• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی ئوتی ٢٠١٧ی زایینی - ٢٧ی گەلاوێژی ١٣٩٦ی هەتاوی  

فەڕۆخ نیگەهدار، لە قافڵەی ئازیەتبارانی ڕەفسەنجانی بە جێ نەما

زایینی: ١٠-٠١-٢٠١٧ - هەتاوی: ١٣٩٥/١٠/٢١ - ١٣:٠١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
فەڕۆخ نیگەهدار، لە قافڵەی ئازیەتبارانی ڕەفسەنجانی بە جێ نەما
كوردستان میدیا: مردنی كتوپڕی ڕەفسەنجانی، تاوانباری سەرەكیی زۆربەی جینایەتەكانی كۆماری ئیسلامی، بەشێكی زۆر لە بەناو ئۆپۆزیسیۆنەكانی ڕێژیمی لە نێوخۆ و دەرەوەی ئێران خستۆتە شێنگێڕی و ئازیەتباری.

لەم پێوەندییەدا فەڕۆخ نیگەهدار، چالاكی سیاسیی چەپ لە وتارێكدا لە ماڵپەڕی "زەیتوون" وێڕای پێداهەڵگوتن بە كەسایەتی و كردەوە دژەمرۆییەكانی ئەو دەسەڵاتدارە دیكتاتۆرەی ڕێژیمدا، نیگەرانیی قووڵی خۆی لە هەمبەر چارەنووسی ڕێژیم پاش مردنی ناوبراو دەربڕیوە.

لە سەرەتای ئەو ئەو نووسراوەیەدا لە ژێر ناوی "قوتابیی زیرەكی شۆڕش" هاتووە كە: "مەرگی هاشمی هەواڵێكی تاڵ بوو بۆ ئەوانەی كە لە نێو وێرانەكانی ئەم جیهانە پڕ لە ترس و تۆقینەدا، چاویان لە تەگبیر و ئەزموونەكانی خێرخوازانی ئێرانە بۆ ئەوەی كە وڵات نەكەوێتە نێو گێژاوە تازەكان".

ناوبراو لە درێژەدا وێڕای ستایشكردن لە ڕۆڵی ڕەفسەنجانی لە پاراستن و مانەوەی ڕێژیمدا، جینایەتەكانی ناوبراو دژ بە ئازادیخوازان و خەڵك بە "تەگبیر" پێناسە دەكات و خەفەقان و سەركوتەكانی ڕێژیم بە "ئاشتی و سەقامگیری و ئاوەدانكردنەوە" ناو دەبات و وێڕای دەربڕینی پەرۆشی و خەمخۆریی خۆی بۆ ڕێژیم، دەڵێت: "بەڕاستی هیچ كەسێك وەك ڕەفسەنجانی لە دەربازكردنی كۆماری ئیسلامی لە كاولكارییەكانی شۆڕش و شەڕ شارەزا و خاوەن تەگبیر نەبوو... بە هۆی تەگبیری ئەو و متمانەی زۆرینەی خەڵك بە ئەو بوو كە ئێران لە پاش ئایەتوڵڵا خومەینی ڕیگای ئاشتی و ئاوەدانكردنەوە و سەقامگیریی گرتە بەر".

ئەو چالاكە سیاسییە بە ناو ئۆپۆزیسیۆنە، لە درێژەدا و كاتێك كە بە خەیاڵی خۆی دەیهەوێ ڕەخنەیەك لە ڕەفسەنجانی بگرێت، دەكەوێتە داوی پێداهەڵگوتن بە ڕێژیمدا و بەشێك لە ڕێژیم بە لایەنگری خەڵك لە قەڵەم دەدات و دەڵێ: "هاشمی لە نێوەڕاستی دەیەی ٦٠ بەم لاوە بایەخێكی زۆری بە كۆنەپاریزەكانی نێو كۆماری ئیسلامی دا و بەشی خەڵك‌تەوەری نیزامی پەراوێز خست".

ناوبراو لە درێژەدا وێڕای ستایشی كارنامەی سیاسیی ئەو تاوانبارە، ئەو كارنامەیەی بە وانەیەك بۆ هەموو ئەو كەسانە لە قەڵەم دا كە: "دەیانهەوێ نەك تەنیا وەكوو قوربانییەكی سەربەرز بگەیەنە وێستگەی كۆتایی، بەڵكوو لە دەربازكردنی وڵاتیش لە گێژاوەكان ڕۆڵێكی شیاوی پێگەی خۆیان وە ئەستۆ بگرن". ناوبراو لە درێژەی شینگێڕییەكەیدا نووسیویە: "هاشمی گیانێك لەو ڕەگەزە بوو، ڕۆحێكی مەزن بوو لە ڕەگەزی ئێران و لە سەر ڕێڕەوی سەردەم".

نیگەهدار وەكوو یەكێك لە ڕێبەرانی باڵی زۆرینەی فیداییانی خەڵكی ئێران كە سەرەڕای هەڵوێستە پڕشوورەییەكانی خۆی و حیزبەكەی لە پاڵپشتیكردنی سیاسەتەكانی ڕێژیمدا، تەنانەت شاهیدی ئیعدام و كوشتوبڕی زۆرێك لە هاوحیزبییەكانی خۆی لە لایەن ڕێژیمەوە و بە بڕیاری كەسانی وەك ڕەفسەنجانی بووە، وێڕای چاوپۆشیكردن لەو هەموو خوێنە ڕژاوانە دەنووسێت: "گومانم لەوەدا نیە كە ویژدانی ئایەتوڵڵا هاشمیی ڕەفسەنجانی لە كاتی دوایین هەناسەكانیدا، ویژدانێكی نائارام و شڵەژاو نەبووە، چوونكە ئاگادار بووە كە زۆرینەی خەڵكی وڵاتەكەی كە ئەو لە ماوەی ٨٢ ساڵ تەمەنیدا هەرگیز بە تەنیای نەهێشتن، هاشمی ڕەفسەنجانی لە كۆتاییدا بە هاوڕی و یارمەتیدەری خۆیان بۆ سەركەوتن بە سەر هەورازە سەختەكاندا دەناسن".

نیگەهدار لە كۆتاییدا بۆ ئەوەی كە لە قافڵەی تۆبەكاران و بەكرێگیراوانی ڕێژیم لە دەرەوەی وڵات بە جێ نەمێنێت، دەنووسێت: "هاوڕێ و هاوزمان لە گەڵ میلیۆنان كەس لە خەڵكی وڵاتەكەم، بە بۆنەی لەدەستچوونی ئاغای هاشمی، سەرەخۆشی لە بنەماڵەی بەڕێزیان دەكەم و هیوای سەبوورییان بۆ بە ئاوات دەخوازم".
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٦ لەم ژمارەیەدا:

ــ کوردی نوێنەر، نوێنەری کورد
ــ دۆستی خەباتێک
ــ پیلانی دابڕان لە زمانی کوردی پـــــووچـــەڵــە!
ــ گشتپرسی بۆ سەربەخۆیی لە باشووری کوردستان لە نێوان
دوو هێزی ناسیۆنالیستیی "ناوەندگەرا" و " ناوەندڕەتێن"