• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی نوامبری ٢٠١٧ی زایینی - ٢٨ی خەزەڵوەری ١٣٩٦ی هەتاوی  

لە ئاڵمان ڕێز لە شەهیدان ڕەسووڵ محەممەد زادە و دوکتور چروکایە گیرا

زایینی: ٢٤-٠١-٢٠١٧ - هەتاوی: ١٣٩٥/١١/٠٥ - ١٦:٤٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
لە ئاڵمان ڕێز لە شەهیدان ڕەسووڵ محەممەد زادە و دوکتور چروکایە گیرا
کوردستان میدیا: یادی شەهیدان دوکتور سولەیمان چروکایە و ڕەسووڵ محەممەد زادە لە وڵاتی ئاڵمان بەرز ڕاگیرا.

ڕۆژی یەکشەممە ٣ی ڕێبەندانی ساڵی ١٣٩٥ی هەتاوی لە شاری دویسبۆرگی وڵاتی ئاڵمان ،ڕێورەسمێکی بە شکۆ بۆ ڕێزلێنان لە گیانی پاکی شەهیدانی سەربەرزی گەلەکەمان شەهید دوکتور سلێمان چروکایە ناسراو بە دوکتور سەعید و شەهید ڕەسووڵ محەممەد زادە کادری لێوەشاوەی حیزبی دێموکراتی کوردستانی ئێران کە لە شەڕی پارێزگاری کوردستان لە دژی ڕێکخراوی تێرۆریستی داعش گیانی پاکیان بەخت کرد، بەڕێوە چوو.

ئەو ڕێورەسمە بە بەشداری بنەماڵەی شەهید د.سلێمان و نوێنەرانی پارت و ڕێکخراوە سیاسییەکانی هەرچوار بەشی کوردستان، کۆمیتەی گشتی حیزبی دێموکراتی کوردستانی ئێران له ئاڵمان و یەکیەتیی ژنانی دێموکراتی کوردستانی ئێران بەڕێوەچوو.

لە بەشێکی ڕێورەسمەکەدا شەهریار نەقشبەندی بەرپرسی کۆمیتەی حیزبی دێموکرات لە ئاڵمان لە سەر هەڵوێستی حیزبی دێموکراتی کوردستانی ئێران تایبەت بە شەهید دوکتور چروکایە، ژیان و تێکۆشانی شەهید ڕەسووڵ محەممەد زادە کادری لێوەشاوەی حیزبی دێموکرات و ڕۆڵی تێکدەرانەی کۆماری ئیسلامی لە ناوچەی ڕۆژهەڵاتی نێوەڕاست قسەی کرد.

نەقشبەندی لە قسەکانیدا وتی:" حیزبی دێموکراتی کوردستانی ئێران وەک حیزبێکی سەردەم و نەتەوەیی هەمیشە پشتیوانی لە خەباتی ڕەوای هەموو بەشەکانی کوردستان کردووە و ئەوەندەی لە دەستی هاتبێ لە یارمەتیدانیان درێغی نەکردووە، بە چاوی ڕێزەوە لە شەهیدانی سەربەرزی هەموو بەشەکانی کوردستانی ڕوانیوە و هەربەو پێیەش شەهید دوکتور سلێمان بە شەهیدی حیزبی دێموکرات دەزانێ و رێز لە خەبات و فیداکاری دەگرێ و لە دەستدانی بە خەسارێکی قورس بۆ گەلی کورد و بە تایبەت گەلی کورد لە ڕۆژهەڵاتی کوردستان دەزانێ و خۆی بە هاوخەمی بنەماڵە و هاوڕێیانی و بە گشتی گەلی کورد دەزانێ."

شەهریار نەقشبەندی لە درێژەی قسەکانیدا لە سەر ڕاسانی ڕۆژهەڵاتی کوردستان بە ڕێبەری حیزبی دێموکراتی کوردستانی ئێران و ڕۆڵی تێکدەرانەی کۆماری ئیسلامی و دوژمنکاری ئەو ڕێژیمە تێرۆریستیە لەگەڵ گەلی کورد، گوتی:" گەلی کورد لە هەموو بەشەکانی کوردستان دژ بە داگیرکەران و حکوومەتە دیکتاتۆرەکان لە خەبات و تێکۆشاندا بووە، یەکێک لەو داگیرکەرانەش کۆماری ئیسلامیی ئێرانە. کۆماری تێرۆریستیی ئیسلامی لە بەرچاوترین دوژمنانی کوردە و هەموو هێز و توانای خۆی بۆ دژایەتیکردنی گەلی کورد تەرخان کردووە.

لە ڕاستیدا کۆماری ئیسلامی هەڕەشەیە بۆ سەر ئاسایشی هەموو جیهان و تا ئەو ڕێژیمەش لە سەر کار بێ، جیهان ئارامی بە خۆیەوە نابینێ؛ هەر بۆیە حیزبی دێموکرات لە وەرزێکی نوێی خەبات کە بە "ڕاسان" ناوی دەر کردووە لەسەر بنەمای نەمانی ئەو ڕێژیمە و چێ کردنی حکوومەتێکی فێدڕاڵ و دێموکرات لە ئێران دا، خەباتی شاخ و شاری لێک گرێداوە کە ئەو خەباتەش پێویستی بە پشتیوانی و یارمەتیدانی هەموو لایەک هەیە".

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا