• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی ئوتی ٢٠١٧ی زایینی - ٢٧ی گەلاوێژی ١٣٩٦ی هەتاوی  

ڕۆژهەڵاتی کوردستان نەورۆزی کوردانیان پیرۆز کرد

زایینی: ٢٠-٠٣-٢٠١٧ - هەتاوی: ١٣٩٥/١٢/٣٠ - ٢١:٣٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕۆژهەڵاتی کوردستان نەورۆزی کوردانیان پیرۆز کرد
کوردستان میدیا: خەڵکی نیشتمانپەروەری کوردستان لە شار و گوندەکانی کوردستان ڕێوڕەسمی بەشکۆی نەورۆزیان بەڕێوە برد.

بەپێی هەواڵی گەیشتوو بە ماڵپەڕی کوردستان میدیا؛ سەرەڕای ڕێگرییە بەردەوامەکانی ڕێژیم بەمەبەستی بەڕێوەنەچوونی جێژنی نەتەوەیی نەورۆز، خەڵک بەو پەڕی توانا و بێ گوێدان بە هەڕەشە و گوڕەشەکان، ئەم جێژنە نەتەوەییەیان لەوپەڕی شیاویی خۆیدا بەڕێوە برد و بە کردنەوەی ئاگر و ئەنجامدانی ڕێوڕەسمی تایبەت و خوێندنەوەی سرود و شێعر ئەم یادە نەتەوەییەیان بەرز و پیرۆز ڕاگرت.

لاوانی بەهەست و دەروەست لە گوندەکانی نێ، چۆڕە و نەنە سەر بە شاری مەریوانی سەربەرز، بە ئەنجامدانی چالاکیی جۆراوجۆر، هەڵکردنی ئاڵای پیرۆزی کوردستان، بەرزکردنەوەی وێنەی ڕێبەرانی شەهیدمان بەتایبەت دوکتور قاسملوو، لەبەر کردنی جلی ڕەنگاڵەی کوردی، سەمای جامانە و کردنەوەی ئاگر و هەڵپەڕکێ پەیامی مافویستیی و نیشتمانپەروەرییان بە گوێی دوژمنان و داگیرکەرانی کوردستان گەیاند.

لە شاری سەقزی خۆڕاگر و لە ئاوایی ئایچی بەرانبەر بە شاخی سەر بە تەمی وەنەوشە و ڕووشی سەربەرز ڕێوڕەسمی نەورۆزی ٢٧١٧ی کوردی بەرز ڕاگیرا و لاوانی بەهەست بە لەمل کردنی جامانە و لەبەرکردنی جلی کوردەواری پەیمانیان لەگەڵ گەل و نیشتمانەکەیان نوێ کردەوە و پەیامی گرێدانەوەی خەباتی شار و شاخیان دووپات کردەوە.

لە قەڵاوای دەشتی زەهاودا کیژان و کوڕانی دلێری کورد هاوشێوەی ناوچەکانی دیکەی کوردستان یادی نەورۆزیان بەرز ڕاگرت و بە هەڵکردنی ئاگری پیرۆزی ئەم جێژنە و شایی و هەڵپەڕکێ شاییان خستە دڵی بەشداربووان.

لە ژاوەرۆی هەمیشە دێموکراتیش لاوانی وەزاڵەهاتووی گوندەکانی هویە و سەرهویە بە دەست ڕێژیمی داگیرکەر وێڕای هەڵکردنی ئاڵای پیرۆزی کوردستان و ئاگری نەورۆز پیرۆزباییان لە یەکتر کرد پەیمانیان لەگەڵ تێکۆشەرانی شاخ نوێ کردەوە.

لە شاری نەغەدەشدا هاوشێوەی پیرانشار شاری پیران کە ڕێژیم ڕێگری لە بەڕێوەچوونی ڕێوڕەسمی نەورۆز کرد، گرووپی شاخەوانیی هەوراز بە کۆبوونەوە لەسەر گۆڕی محەممەدی هەوراز و کردنەوەی ئاگری نەورۆز کۆتاییان بە ساڵی کۆن هینا و دەسپێکی جێژن و ساڵی نوێیان پیرۆز کرد.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٦ لەم ژمارەیەدا:

ــ کوردی نوێنەر، نوێنەری کورد
ــ دۆستی خەباتێک
ــ پیلانی دابڕان لە زمانی کوردی پـــــووچـــەڵــە!
ــ گشتپرسی بۆ سەربەخۆیی لە باشووری کوردستان لە نێوان
دوو هێزی ناسیۆنالیستیی "ناوەندگەرا" و " ناوەندڕەتێن"