• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی نوامبری ٢٠١٧ی زایینی - ٢٧ی خەزەڵوەری ١٣٩٦ی هەتاوی  

هەیئەتێکی کۆمەڵەی شۆڕشگێری زەحمەتکێشانی کوردستانی ئێران سەردانی دەفتەری سیاسیی حیزبی دێموکراتیان کرد

زایینی: ٠٦-٠٦-٢٠١٧ - هەتاوی: ١٣٩٦/٠٣/١٦ - ١٩:٤٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هەیئەتێکی کۆمەڵەی شۆڕشگێری زەحمەتکێشانی کوردستانی ئێران سەردانی دەفتەری سیاسیی حیزبی دێموکراتیان کرد
کوردستان میدیا: هەیئەتێکی کۆمەڵەی شۆڕشگێری زەحمەتکێشانی کوردستانی ئێران بە سەرپەرەستیی "ئەبووبەکر مودەڕسی" سەردانی حیزبی دێموکراتی کوردستانی ئێرانیان کرد.

ڕۆژی سێشەممە ڕێکەوتی ١٦ی جۆزەردانی ١٣٩٦ی هەتاوی، هەیئەتێکی کۆمەڵەی شۆڕشگێری زەحمەتکێشانی کوردستانی ئێران، سەردانی حیزبی دێموکراتی کوردستانی ئێرانیان کرد و لە لایەن هەیئەتێكی حیزبی دێموکرات بە سەرپەرەستیی "مستەفا هیجری" سکرتێری گشتیی حیزبی دێموکرات بە گەرمی پێشوازیان لێکرا.

لەو دیدارەدا، مستەفا هیجری سکرتێری گشتیی حیزبی دێموکرات وێڕای بەخێرهاتنی میوانەکان و پیرۆزبایی گرتنی کۆنگرەی ١٥ی کۆمەڵەی شۆڕشگێری زەحمەتکێشانی کوردستانی ئێرانی لێکردن.

لەو سەردانە و چاوپێکەوتنەدا، هەیئەتی میوان سپاسی مستەفا هیجری و هەیئەتی حیزبی دێموکراتیان کرد.

دواتر ئەبووبەکر مودەڕسی باسێکی لە سەر گرتنی کۆنگرەکەیان و پەسەند کراوەکانی کۆنگرەکەیان بۆ هەیئەتی حیزبی دێموکرات کرد.

هەیئەتی هەر دوو لایەن، لەو دیدارەدا، پێداگریان لە سەر کاری هاوبەش و خەباتی هاوبەش لە نێوان هێزە و لایەنە سیاسییەکانی کوردستان کرد.

دواتر هەیئەتی هەر دوو لایەن، باسێکیان سەبارەت بە ئاڵوگۆڕ و ڕووداوەکانی ناوچە و جیهان کرد و دواتر له سەر بارودۆخی ناوخۆ و ئێران و جیهان چەند باسیان تاوتوێ کرد.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا