• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی نوامبری ٢٠١٧ی زایینی - ٢٧ی خەزەڵوەری ١٣٩٦ی هەتاوی  

ئامریكا هەڵویستی ئەرێنی لە هەمبەر ڕێفراندۆمی سەربەخۆیی کوردستان گرت

زایینی: ٢٨-٠٩-٢٠١٧ - هەتاوی: ١٣٩٦/٠٧/٠٦ - ١١:٤٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئامریكا هەڵویستی ئەرێنی لە هەمبەر ڕێفراندۆمی سەربەخۆیی کوردستان گرت
کوردستان میدیا: سەرۆكی دێموكراتەكانی سێنای ئامریکا پشتیوانی له سەربەخۆیی كوردستان کرد.

بەپێی ڕاپۆرتە بڵاوکراوەکان، دوای ڕاگەیاندنی ئەنجامی ڕێفراندۆمی سەربەخۆیی كوردستان، له‌ هەڵویستێكی‌تری ئەرێنیدا لە لایەن ئامریكاوە، سه‌رۆكى دێموكراته‌كانى سێناى ئا‌مريكا داواى پشتيوانیی بۆ سه‌ربه‌خۆيى كوردستان كرد.

"چەک شومه‌ر" سناتۆر و سه‌رۆكى فراكسيۆنى دێموكراته‌كان له‌ ئه‌نجومه‌نى سێنای ئا‌مريكا له‌ ڕاگه‌يه‌ندراوێكدا پشتيوانى خۆى بۆ سه‌ربه‌خۆيى كوردستان ده‌ربڕیوە و داواى له‌ كۆشكى سپى كردووە پشتيوانی لە سه‌ربه‌خۆيى كوردستان بكات.

چه‌ک شومه‌ر باسی لەوە کردووە کە ڕێفراندۆمى مێژوويى كورد پێويسته‌ له‌لايه‌ن جيهانه‌وە دانى پێدا بنرێت و ڕێزى لێ بگيرێت.

هەروەها گوتوویەتی: پێموايه‌ كورد پێويسته‌ ده‌وڵه‌تى سه‌ربه‌خۆى هه‌بێت و به‌ زووترين كات ببێته‌ خاوه‌نى ده‌وڵه‌ت، بۆيه‌ پێويسته‌ ئا‌مريكا هه‌ڵویستێكى ڕوونى هه‌بێت، بەوەی پشتگيرى له‌ هيوا و خواسته‌كانى كورد له‌ پێناو ده‌وڵه‌تێكى سه‌ربه‌خۆدا بكات.

هه‌روه‌ها ئاماژەی بەوە کردووە له‌ دوو ده‌يه‌ى ڕابردوودا كورد هاوپه‌يمانى به‌هێزى ئێمه لە دنیادا‌ بوونه‌، به‌ تايبه‌تى له‌ شه‌ڕى دژ به‌ تێرۆردا و ئێمه‌ چه‌ندين جار پشتمان به‌ پێشمه‌رگه‌ به‌ستووه‌ و هه‌روه‌ها كورد پشتیوانی مافى كه‌مينه‌كان بووه‌، ئێستەش كاتى ئه‌وه‌يه‌ ئا‌مريكا به‌ توندی پشتگيرى لە سه‌ربه‌خۆيى كوردستان بكات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا