• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٥ی دێسامبری ٢٠١٧ی زایینی - ٢٤ی سەرماوەزی ١٣٩٦ی هەتاوی  

نوێنەری حیزبی دێموکرات لە کانادا لەگەڵ جێگری وەزیری دەرەوە کۆ بووەوە

زایینی: ٢٦-١١-٢٠١٧ - هەتاوی: ١٣٩٦/٠٩/٠٥ - ١١:٣١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
نوێنەری حیزبی دێموکرات لە کانادا لەگەڵ جێگری وەزیری دەرەوە کۆ بووەوە
کوردستان میدیا: نوێنەری حیزبی دێموکراتی کوردستانی ئێران له ‌سه‌ردانێکدا بۆ پارلەمانی کانادا‌ چه‌ند پرسێكی گرینگی لە بارەی ئاڵۆگۆڕەکانی ئه‌م دوایانه‌ی ناوچه‌كه‌، كوردستان، ڕۆژهه‌ڵات، حیزبی دێموکرات، ڕاسان و بوومه‌له‌رزه‌كه‌ی كرماشان خستە بەر باس.

ڕۆژی پێنجشه‌ممه‌ ڕێکەوتی ٢ی سەرماوەزی ١٣٩٦ی هەتاوی، "که‌ژاڵ محەممه‌دی" نوێنه‌ری حیزبی دێموکرات له‌ کانادا له‌گه‌ڵ پا‌رلەمانتار "گارنه‌ت جه‌نه‌س" سه‌ر به‌ حیزبی كۆ‌نسێرڤا‌تیڤ و جێگری وه‌زیری ده‌ره‌وه‌ له‌ حیزبی "ئاپزشن" له‌ ده‌فته‌ری جه‌نه‌س له‌ پارلەمانی ئه‌و وڵاته‌ کۆ بووەوە.

نوێنه‌ری حیزب له‌ ده‌ستپێكی چاوپێكه‌وتنه‌كەدا‌، باسێكی كورتی له‌سه‌ر دابه‌شبوونی كوردستان به‌سه‌ر چوار وڵاتی ئێران، ئێراق، توركیە و سووریە و سیاسه‌تی هه‌ڵاواردن، ژینۆسایدی كه‌لتووری، زمان و ناسنامه‌؛ له‌گه‌ڵ كۆمه‌ڵكوژی و ژینۆسایدی فیزیكی، فه‌توای جیهاد له‌ هه‌موو به‌شه‌كانی كوردستان له ‌لایه‌ن حكوومه‌ته‌ فاشیسته‌ دیكتاتۆره‌كانی ئه‌و وڵاتانه‌ كه‌ ئێسته‌ش به‌رده‌وامن خستە ڕوو.

له‌ به‌شێكی دیكه‌ی ئه‌و دیدارەدا‌، نوێنه‌ری حیزب هه‌روه‌ها باسی له‌ سه‌ر سیاسه‌تی هه‌ڵاواردن، ڕەگەزپه‌ره‌ستی و حكوومه‌تی ناوه‌ندیی ئێران كرد و به‌ جه‌نه‌سی ڕاگه‌یاند كه‌ تا ئێستاش منداڵانی كورد وه‌ک منداڵانی باقی نه‌ته‌وه‌كانی بنده‌ستی ئێران له‌ خوێندن به‌ زمانی دایكی خۆیان بێبه‌شن؛ ئه‌وه‌ له‌ كاتێك دایه‌ كه‌ یاسای ئه‌ساسی ئه‌و وڵاته‌ باس له‌ مافی خوێندن به‌ زمانی دایكی له‌ پاڵ زمانی فارسی ده‌كا.

نوێنه‌ری حیزب هه‌روه‌ها باسی له‌وه‌ كرد كه‌ نه‌ته‌وه‌ی كورد له‌ژێر ده‌سه‌ڵاتی ئێرانی ئیسلامی به‌ شێوازی جۆراوجۆر ده‌چه‌وسێنه‌وه‌ كه‌ بریتین له‌: چه‌وسانه‌وه‌ و هه‌ڵاواردن له‌به‌ر كوردبوونیان، چه‌وسانه‌وه‌ و په‌ڕاوێز خستن له‌به‌ر بیر و بڕوای دینینان و چه‌وسانه‌وه ‌و سه‌ركوت له‌به‌ر داواكردنی دێموكراسی و ئازادییە كه‌ بە پێچه‌وانه‌ی بیر و بڕواكانی ڕێژیمن.

کەژاڵ محەممەدی باسی له‌وه‌ كرد، كه‌ كوردستان به‌ گشتی میلیتاریزه‌ كراوه ‌و به‌پێی ڕاپۆرته‌كان زیاتر لە نیو میلیۆن سپایی و به‌سیجی له‌ كوردستان جێگیر كراون کە كاری ئه‌و هێزانه‌ سه‌ركوت كردنی نه‌ته‌وه‌ی كوردە. له‌ ڕۆژهەڵات چالاكوانانی سیاسی، كۆمه‌ڵایه‌تی، كرێکاری و دینی و هه‌ر كه‌سێک كه‌ بچووكترین ڕەخنه‌ له‌ سیاسه‌تی ڕێژیم بگرێ به‌ توندترین شێوه‌ به‌رخوردی له‌گه‌ڵ ده‌كرێت و به‌بێ هیچ هۆیه‌ک زیندان دەکرێت و حوكمی به‌ سه‌ردا دەسەپێت.

له‌ به‌شی دیكه‌ی ئه‌و دیداره‌، نوێنه‌ری حیزب هه‌روه‌ها باسێكی تێر و ته‌سه‌لی له‌ سه‌ر خه‌بات و تێكۆشانی حیزب له‌ ٧٢ ساڵی ڕابردوو بۆ دابین كردنی دێموكراسی، دادپه‌روه‌ری كۆمه‌ڵایه‌تی، یه‌كسانی و سێكۆلاریزم له‌ ڕۆژهه‌ڵات و ئێران كرد و باسی له‌وه‌ كرد كه‌ ده‌بێ ده‌وڵه‌تانی دێموكرات پاڵپشتی دۆزی ڕه‌وای نه‌ته‌وه‌ی كورد و نه‌ته‌وه‌كانی دیكه‌ی ئه‌و وڵاته‌ بكه‌ن بۆ دروست كردنی ده‌وڵه‌تێكی دێموكرات و سێكۆلار.

نوێنه‌ری حیزب هه‌روه‌ها باسی له‌وه‌ كرد، كه‌ حیزبی ئێمه‌ نزیک به‌ ٢٠ كاتی به‌ کۆماری ئیسلامی دا تا گۆڕانكاریه‌كی جیددی و بنه‌ڕه‌تی له‌ سیاسه‌تی هه‌ڵاواردن و تۆقین له‌ ڕۆژهه‌ڵات دروست بكا، ڕێژیم نه‌ك هه‌ر ئه‌و كاره‌ی نه‌كرد به‌ڵكوو كوردستانی زیاتر میڵیتاریزه‌ كرد و كوردی به‌ شێوازیەکی بێوێنه‌ چه‌وساندووته‌وه‌. هه‌ر بۆیه‌ له‌سه‌ر خواستی كۆمه‌ڵانی خه‌ڵكی كوردستان پێشمه‌رگه‌كانی ئێمه‌ له‌ ساڵانی ڕابردوودا چوونه‌ته‌وە ناو ڕۆژهه‌ڵات و ئێستاش پێشمه‌رگه‌ بوونیان له‌ ناو ڕۆژهه‌ڵات هه‌یه‌. بوونی ئه‌وان ته‌نیا بۆ پاڵپشتی و پاراستنی خه‌ڵكی ڕۆژهه‌ڵاته‌ نه‌ک شه‌ڕ.

له‌ به‌شێكی دیكه‌ی ئه‌و چاوپێكه‌وتنه‌ كه‌ نزیك به‌ یەک كاتژمێری خایاند، نوێنه‌ری حیزب باسی له‌وه‌ كرد كه‌ ده‌بێ نه‌ته‌وه‌ دێموكراته‌كان و وڵاته‌ زلهێزه‌كان پاڵپشتی دۆزی ڕه‌وای نه‌ته‌وه‌ی كورد و باقی نه‌ته‌وه‌كانی ئێران بۆ دێموكراتیزا‌سیۆن کردنی ئێران بكه‌ن و ده‌ستی ئه‌و ڕێژیمه‌ سه‌ره‌ڕۆیە‌ له‌ ناوچه‌كه‌ و وڵات كورت بكه‌نه‌وه‌.

له‌ ئاخرین باسی ئه‌و چاوپێكه‌وتنه‌، نوێنه‌ری حیزب باسی له‌ بوومه‌له‌رزه‌ی كرماشان و ده‌ورووبه‌ری كرد و باسی له‌وه‌ كرد كه‌ به‌پێی ڕاپۆرتی ڕێژیم خۆی، كه‌ جێگه‌ی پرسیاره‌ زیاتر له‌ ٥٠٠ كوژراو و ١٠٠٠٠ كه‌س بریندار هه‌یه‌ و ١٩٠٠ گوند و ٧ شار كه‌وتوونه‌تە به‌ر ئه‌و بوومه‌له‌رزه‌ و نزیک به‌ ١٢٠٠٠ ماڵ و خانوو له‌ناو چوونه. لێره‌ نوێنه‌ری حیزب باسی له‌وه‌ كرد كه‌ ڕێژیمی ئێران به‌ دنیا ده‌ره‌وه‌ی ڕاگه‌یاندووه‌ كه‌ ئه‌وان پێویستیان به‌ هاوكاری ده‌ره‌كی نییه ‌و ئه‌و حكوومه‌ته‌ تا ئێستاش به‌ گوێره‌ی ڕاپۆرته‌ ڤیدیۆیه‌كان له‌و شارانه‌ كه‌ بوومه‌له‌رزه‌ لێی داوه‌ هیچ جۆره‌ یارمه‌تیه‌كیان بۆ لێقه‌وماوان دابین نه‌كردووه‌. ئه‌وه‌ له‌ كاتێك دایه‌ كه‌ كورده‌كانی شاره‌كانی دیكه‌ی ڕۆژهه‌ڵات و ئێران به‌ تاكه‌ كه‌سی و به‌ كۆمه‌ڵ هاوكاریان بۆ لێقه‌وماوان كۆ كردووته‌وه‌ به‌سیج و سپا ده‌ستی به‌سه‌ر ئه‌و كه‌لوپه‌لانەشدا گرتووه‌.

له کۆتاییدا گارنه‌ت جه‌نه‌س سپاسی نوێنه‌ری حیزبی كرد بۆ زانیارییه‌كانی و چه‌ند پرسیار و بیر و ڕای گۆڕییه‌وه‌ و داوای كرد كه‌ له‌ داهاتوودا زیاتر له‌ پێوه‌ندی دابن.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٤ لەم ژمارەیەدا:

ــ قاسملوو، پرسی ژن و ڕاسان
ــ ڕاسان و پێشمەرگە
ــ ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
ــ بورجی بابل
  • مەرگی نووسەر مەرگی نووسەر
    ئه‌وه‌ ده‌زانین ده‌ق، بە تەنیا بە دێڕێک ناڵێن کە لە لێزگەیەک وشە پێکهاتبێ که‌ واتایه‌کی ئاسمانی ("په‌یام"ی نووسەر-خودا)ی لێوه‌ده‌رچێ؛ به‌ڵکوو که‌شایه‌کی فره‌رەهەندە،‌ له‌ کۆمه‌ڵه‌ نووسینێکی جۆراوجۆردا، که‌ هیچ کامیان خاوەن رەسەنایەتی نین، له‌وێدا تێکه‌ڵ به‌ یه‌ک ده‌بن و له‌یه‌ک ده‌نگوێن.
  • سامانی وڵات بۆ تیرۆریستان، وێرانی و دواکەوتوویی بۆ کوردستان سامانی وڵات بۆ تیرۆریستان، وێرانی و دواکەوتوویی بۆ کوردستان
    ئێستا دوای تێپەڕبوونی ماوەیەکی زۆر لە ڕووداوەکە، خەڵکی ناوچەکە لە زۆر ڕووەوە لە ژێر گوشاردان و سەرمای زستان و باران لەلایەک، نەبوونی خانوو یان تەنانەت لە هەندێک شوێن خێوەتیش لەلایەکی‌تر خەڵکی نیگەران کردووە.
  • راسان و پێشمەرگە راسان و پێشمەرگە
    لە راساندا گۆڕەپانی خەبات ئەوەندە بەرفراوان بووە كە دەرفەتی بۆ یەك بە یەكی ئەندامانی كۆمەڵگا رەخساندووە تاکوو بەپێی شوێن و رێگەی خۆی هەنگاو بنێت و هیچ جیاوازییەك لە بواری ئەرك و جێبەجێ كردنەوە بوونی نییە، تەنیا ئەوە پێویستە ئەو كردارە لە خزمەتی رزگاركردنی نەتەوەدا بێت.
  • بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا
    هەموو لایەک دەبێ باش بزانن کە شارستانیەت و کولتوور شتی دینامیکن و لە رەوتی مێژوودا دەتوانن تووشی ئاڵوگۆڕ بن، بەرز بن یان لەنێوبچن.
  • زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن
    دوایین ڕاپۆرتە پێوەندیدارکان بە بارودۆخی ژیان پاش بوومەلەرزەی ٢١ی خەزەڵوەر لە پارێزگای کرماشان کە زۆرتر له ١٠هزار کوژرا و بریندا لێکەوتەوە، دەری دەخات کە سەرباری تێپەڕینی زۆرتر له سێ هەفته بەسەر ئەم تراژێدیا، هێشتا هیچ هەنگاوێکی شوێندانەر بۆ ساڕێژکردنەوەی برینی زامداران هەڵنەگیراوە.
  • کارەساتی بومەلەرزه لە کرماشان و بێخەمیی ڕێژیم کارەساتی بومەلەرزه لە کرماشان و بێخەمیی ڕێژیم
    ئەمە لە حاڵێکدایە کە بەشێکی کەم لە ماڵە ڕووخاوەکان پشکێندراون و ئاماری بی سەروشوێنەکان هێشتا دیار نییە و مەزەندە دەکرێ کە ئاماری کوژراو و بریندارەکان زۆرتر بێت.
  • قاسملوو، پرسی ژن و ڕاسان قاسملوو، پرسی ژن و ڕاسان
    لە ئاخاوتنێکدا لە ٨ی مارسی ١٩٨٩ی زایینیدا، دوکتور قاسملوو پێداگری لەسەر ئەوە دەکا کە "خەبات بۆ ئەوەی ژن مافی خۆی وەربگرێ، بە هیچ شێوەیەک جودا نییە لە خەباتی میلەتەکەمان بۆ دێموکراسی و خودموختاری."
  • یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن
    چونکە تا کاتێک ژنانی عەرەبستان بتوانن بە بێ مۆڵەتی پیاوی بنەماڵە – باوک، هاوسەر، جاری وایە تەنانەت کوڕەکەی خۆی – کار بکەن، بڕۆنە سەفەر، کاروباری یاسایی ئەنجام بدەن و بەشێوەیەکی دیکە بەشداری لە ژیانی کۆمەڵایەتی بکەن، وڵات ناتوانێ هەست بە هێزی ئابووری نیوەی دیکەی کۆمەڵگا بکات.
  • ئێرە ڕۆژهەڵاتە بە کاتی کرماشان ئێرە ڕۆژهەڵاتە بە کاتی کرماشان
    لە چەند ڕۆژی ڕابردوودا بەردەوام باس له نەبوونی خزمەتگوزاری و گوێنەدانی بەرپرسانی ڕێژیم لەو بارەیەوە کراوە بەچەشنێک کە نەتەنیا یارمەتی بە خەڵک نادەن بەڵکوو تەنیا بۆ سەیر و سیاحەت دەچنە شوێنی بوومەلەرزەکە؛ ئەو باسەش لە ڕاگەیەندنەکانی ڕێژیم لەوانەش "ایرنا" و "ایسنا" بڵاو بووەتەوە هەروەها هەندێک لە ڕۆژنامەکانی ڕێژیم وەک "ابتکار" بە تیتری گەورە نووسیان "تور زلزلە گردی!" .
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    واتای دووهەم: ئەو ڕێژە ئاوە، بۆ وەدیهێنانی خواست و ویستی کۆماری ئیسلامی زۆر کەمە، واتە ژینگە گەورەترین بەربەستی سەر ڕێی کۆماری ئیسلامییە بۆ وەدیهێنانی خەونەکانی.
  • ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
    شەڕی داگیرکەرانی کوردستان بەرامبەر بە نەتەوەی کورد بە گشتی و هێزی پێشمەرگەی کوردستان بەتایبەتی، تەنیا بە ڕوبەڕووبوونەوەی نیزامی نەبەستراوەتەوە بەڵکوو دوژمن لە ڕێگای جیاجیا و یەک لەوان پڕوپاگەندەی بێبنەما بەردەوام هەوڵ دەدات پرش و بڵاوی لە نێو ماڵی کوردان دروست بکات تاکوو بەمشێوەیە زیاتر بتوانێت بە ئامانجە گڵاوەکانی بگات.
  • بورجی بابل بورجی بابل
    رووداوە کۆنە مێژووییەکان و تەنانەت ئوستوورەکانیش دەڵێن بۆ ئەوەیکە کۆمەڵگایەک لاواز بکەی تاکوو خۆی بەرەو پووکانەوە بڕوا، باشتر وایە کە ئاژاوەی تێ بخەی و خۆیان بە خۆیانەوە سەرقاڵ بکەی تاکوو هەم گرفتە سەرەکییەکە لەیاد بکەن و هەم تەنیا بە نێوخۆیانەوە خەریک بن و خۆیان ببنە هۆکاری داڕزاندنی خۆیان.
  • عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ
    لە پێوەندی لەگەڵ زەویلەرزەی پارێزگای کرماشاندا، بەرێزعەلی ئەشرەف مەجیدی، ئەندامی جێگری کۆمیتەی ناوەندیی حیزبی دێموکراتی کوردستانی ئێران وڵامی چەند پرسیارێکی ڕۆژنامەی کوردستانی داوەتەوە کە سەرنجتانی بۆ ڕادەکێشین:
  • دانیشتن لەگەڵ ئۆپۆزیسیۆنی ئێرانی و چەند سەرنجێک دانیشتن لەگەڵ ئۆپۆزیسیۆنی ئێرانی و چەند سەرنجێک
    بەڵام وتووێژ و کارکردن لەگەڵ ئۆپۆزیسیۆنی ئێرانی لە هەندێک بابەت دا زۆر جیاوازییەکی لەگەڵ قسەکردن لەگەڵ ڕێژیمی کۆماری ئیسلامی دا نییە بەڵکوو لەوانەشە خەساری زۆرتر بێت؛ بۆیە لە پێوەندی لەگەڵ ئەو نزیک‌بوونەوە پێویستە چەند خاڵ بەم شێوەی خوارەوە لە بیر نەکرێن.