• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی ژانویەی ٢٠١٨ی زایینی - ٠١ی رێبەندانی ١٣٩٦ی هەتاوی  

تەیموور مستەفایی: ڕێژیمی داگیركەر بۆ ناهومێدكردنی خەڵكی كوردستان وای نیشان داوە كە حیزبەكانی ڕۆژهەڵات كۆتاییان هاتووە

زایینی: ٢٠-١٢-٢٠١٧ - هەتاوی: ١٣٩٦/٠٩/٢٩ - ١٩:١١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
تەیموور مستەفایی: ڕێژیمی داگیركەر بۆ ناهومێدكردنی خەڵكی كوردستان وای نیشان داوە كە حیزبەكانی ڕۆژهەڵات كۆتاییان هاتووە
کوردستان میدیا: تەیموور مستەفایی ئەندامی دەفتەری سیاسیی حیزبی دێموکراتی کوردستانی ئێران بە بۆنەی ٢٦ی سەرماوەز، لە ڕێوڕەسمێکدا کە بەم بۆنەوە لە چیاکانی کوردستان بەڕێوەچوو، پەیامێکی پێشکەش کرد کە دەقی پەیامەکە بەم چەشنەیە:

هاوڕێیانی تێكۆشەر

خوشك و برایانی بەڕێز


لێرە كۆ بووینەتەوە تا لەم ڕۆژە مێژوییەدا ڕێز لە پێشمەرگەی خەباتكاری ڕێگای ئازادی، ڕوڵەی فیداكار و داكۆكیكاری گەل و خاكی نیشتمانی پیرۆزمان بگرین.

كۆ بووینەتەوە تا ئاوڕێك لە ناوی پێشمەرگە، ڕۆژی پێشمەرگە و خەباتی حیزبی دێموكرات داهێنەری ناوی پێشمەرگە بدەینەوە.

هەروەك دەزانن، ناوی پێشمەرگە لە كۆبوونەوەیەكی بەرپرسانی حیزبی دێموكراتی كوردستان لە سەردەمی كۆماری كوردستاندا بۆ خەباتكاری كورد دیاری كراوە. ئەم ناوە ناوێكی خۆماڵیی پڕ بە پێست بۆ ڕوڵە فیداكار و گیان لەسەر دەستەكانی گەلە بەشخوراو و ستەملێكراوەكەمان بوو، گەلێك كە دەرەتانی ئازادیی ژیانی لێ ئەستێندراوە، بواری پێكهێنانی دەوڵەتی سەربەخۆی پێ نادرێ و داگیركەرانی كوردستان بەردەوام لە هەوڵی سڕینەوەیدان كە ئەگەر بە هۆی لە خۆبردوویی و بەرگریی هێزی پێشمەرگە لە نیشتمانەكەماندا نەبوایە ئیستا بە تەواوی ئاسیمیلە كرابووین، نیشتمانەكەشمان بۆ هەمیشە دەكەوتە ژێر پۆستاڵی ڕەشی داگیركەرەوە و هیچ هیوایەك بۆ ڕزگاری تێیدا بەدی نەدەكرا.

خەباتی هێزی پێشمەرگە لە دامەزرانی كۆماری كۆردستانەوە تا ئیستا لە قۆناخە جیاوازەكاندا لە بەرگری لە نیشتمان نەوەستاوە.

ئەگەر لە سەردەمی كۆماری كوردستاندا، پێشمەرگە پارێزگاریی لە دەسكەوتەكانی كۆمار كردووە. لە خەباتی ساڵەكانی ٤٦-٤٧دا بووژینەرەوە و دەرخەری خەباتی ئەو قۆناغەی حیزبی دێموكرات بووە. پاش ڕووخانی ڕێژیمی پاشایاتی و سەركەوتنی خەباتی گەلانی ئێران لە پێناو وەدیهێنانی ئازادیدا، ئاخوندەكان دەسكەوتەكانی شۆڕشی گەلانی ئێرانیان بە لاڕێدا برد و لەبری دابینكردنی مافی گەلانی ئێران و یەك لەوان گەلی كورد، لە ڕۆژی ٢٨ی گەلاوێژی ساڵی ١٣٥٨ی هەتاویدا خومەینی فەرمانی جیهادی دژی گەلی كورد دەركرد. بەم چەشنە هێزی پێشمەرگە كەوتە تاقیكارییەكی نوێوە و لە دووڕێیانی خۆبەدەستەوەدان بە فەرمانی جەللاد یان بەرەنگاربوونەوەی شاڵاوی هێرشی كونەپەرەستیدا، ڕێگای بەرەنگاربوونەوەییەكی قارەمانانەی هەڵبژارد.

بە خۆشییەوە لە ماوەیەكی كورتدا بە هۆی ئەو بەرەنگارییەوە، پێشمەرگە توانیی ئەو دیكتاتورییە ملهوڕە بە چۆكدا بهێنێت. هەربۆیە، خومەینی پاش بەچۆكداهاتن لە گۆڕەپانی شەڕدا، فێڵبازانە داوای چارەسەری كێشەی كوردستانی لە ڕێگای وتووێژەوە كرد.

حیزبی دێموكرات بەوپێیەی كە هەمیشە ڕێگای چارەسەری ئاشتیخوازانەی لە شەڕ پێ باشتر بووە، پێشوازیی لەم داوایە كرد، بەڵام زۆری نەخایاند كە سیمای ڕاستەقینەی خومەینی دەركەوت و لە پەیامێكی دیكەدا ڕایگەیاند مەبەستی ئەو لە وتووێژ، تەنیا بەدەستهێنانی دەرفەتێك بۆ سەرلەنوێ ڕێكخستنەوەی هێزەكانیان و گەمارۆدانی كوردستان و هێزی پێشمەرگە یان بە وتەی خۆیان داخستنی سنوورەكان بە سەر بزووتنەوەی كوردستاندا بووە. لێرەوە بوو كە بۆ جارێكی دیكە شەڕیان بە سەر كوردستاندا سەپاند.

لە درێژەی شەڕی كوردستاندا نزیكەی ٥٠٠٠ پێشمەرگەی حیزبە تێكۆشەرەكەمان لە خەبات و بەرەنگارییەكی ئازایانەدا گیانی شیرینیان بەخت كردووە كە لێرەوە سڵاو بۆ ڕۆحی پاكیان دەنێرم.

لە شاڵاوی هێرشەكانی ڕژیم بۆ سەر كوردستان و بەرەنگاریی قارەمانەی هێزی پێشمەرگەدا كە بەشێكی زۆر كەمی دۆكۆمێنت كراوە و بەشی هەرە زوری بە هۆی نەبوونی كەرەستە و ئیمكاناتی پێویست تۆمار نەكراوە. بە سەدان داستانی ئازایەتی و فیداكاری و لە خۆبردوویی هێزی پێشمەرگە لە مێژووی خەباتی ڕزگاریخوازانەی گەلەكەماندا تۆمار كراوە و ئەوەی كە ماوە، دەبێ لە داهاتوودا بنووسرێتەوە و لە فەوتان ڕزگار بكرێت. لێرەدا ئەركی هەموو ئەو تێكۆشەرانەی كە لە جەریانی خەباتی چەكداریدا بوون ئەوەیە كە بیرەوەرییەكانی خۆیان وەكوو بەشێك لە مێژووی حەماسە و بەرخۆدانی ئەم میللەتە تومار بكەن تا هەم ببنە ئەزموون بۆ نەسڵی داهاتوو و هەم مێژووی خەباتە ڕەواكەمانی پێ دەوڵەمەند بكرێتەوە و ڕێگە نەدەین وەك ڕەوتی باوی مێژوو، داگیركەران و دوژمنان، مێژووی نیشتمان و نەتەوەكەی ئێمە بنووسنەوە و ڕاستیییەكان بە سوودی خۆیان و بە زیانی ئێمە چەواشە بكەن.

ئامادەبوانی خۆشەویست!

٣٣ ساڵ پێش ئێستا لە كۆبوونەوەی كومیتەی ناوەندیی حیزبی دێموكراتی كوردستانی ئێراندا بۆ ڕێزگرتن لە خەباتی پێشمەرگە بڕیار درا ڕۆژی ٢٦ی سەرماوەز كە لەو ڕۆژەدا لە ساڵی ١٣٢٤ی هەتاوی دواین بنكەی دەسەڵاتی پاشایەتیی داگیركەر لە شاری مەهاباد، پایتەختی كۆماری كوردستان كۆتایی پێ هات و هەر لەو ڕۆژەشدا ئاڵای پیرۆزی كوردستان هەڵكرا، وەك ڕۆژی پێشمەرگەی كوردستان دیاری بكرێت.

ئەم بڕیارە یەكێك لە بڕیارە بەجێیەكانی حیزبەكەمان بۆ ڕێز گرتن لە گیانبازی و تێكۆشانی پێشمەرگە، ڕوڵەی فیداكار و خەباتگێری گەلە كە ئامادەیە بۆ پارێزگاری لە ئامانجەكانی نەتەوەكەمان و پاراستنی خاكی نیشتمان بە بێ لە بەرچاوگرتنی هیچ پاداشێكی مادی پێ بنێتە مەیدانی خەباتێكی سەخت و خوێناوییەوە.

هاوڕێیانی تێكۆشەر!

ئەمڕو وشەی پێشمەرگە نەك هەر لە نێو كورددا، بەڵكوو لە ئەدەبیاتی نێونەتەوەییدا جێی خۆی كردۆتەوە و ڕێز و ستایشی هەموو جیهانی بە هۆی ئازایەتی و بوێری لە خەباتی دژی تیرۆریزمی جیهانیدا بۆ خۆی ڕاكێشاوە و بۆتە جێی شانازیی نەتەوەكەمان. كردەوە و ئاكاری پێشمەرگە لە بەرەكانی شەڕدا، بە‌هاناوەچوونی خەڵكی لێقەوماو و ئاوارە، هەڵسوكەوتی ئینسانی لە گەڵ دیلەكانی شەڕ و تەنانەت چارەسەركردنی بریندارانی دوژمن و دەرمانكردنیان لە بەرەكانی شەڕدا سەرنج و سۆزی دنیای بۆ لای خۆی ڕاكێشاوە.

بەشداربوانی بەڕێز!

وەك دەزانن حیزبەكەمان لە ڕەوتی خەباتی ئازادیخوازانەی گەلەكەماندا زۆری هەوڵ داوە تاكوو بە شێوەیەكی هێمنانە پرسی ڕەوای گەلەكەمان لە ڕێگای ئاشتیخوازانەوە چارەسەر بكرێ، بێ ئەوەی كەلەو نێوانەدا كەسێك بكوژرێ، بەڵام ڕێژیمە سەرەڕۆكان و داگیركەرانی كوردستان ڕێگای سەركوت و زەبروزەنگیان گرتۆتە بەر و پێیان وا بووە بە سەركوت و زەبر و زەنگ دەتوانن چۆك بەم گەلە تێكۆشەرە و ڕوڵە خەباتگێڕەكانی دابدەن كە بە خۆشییەوە نەك هەر نەیانتوانیوە چۆك بە گەل و پێشمەرگە دابدەن، بەڵكوو خەبات لەو ماوەیەدا كە كۆماری ئیسلامی دامەزراوە هەر وا بەردەوام بووە و كوردستان هەروەها لە سەر پێیە. زۆر جاریش كە بە هۆی بەرژەوەندیی نەتەوەیی و لە بەرچاوگرتنی دۆخی پارچەكانی دیكەی كوردستانەوە بەرگریی چەكداری كە تەنیا یەكێك لە شێوازەكانی خەباتی ئەم حیزبە بۆ گەیشتن بە ئامانج بووە ڕاگیراوە، ڕێژیمی كۆنەپەرەست و داگیركەر بۆ ناهومێد كردنی خەڵكی كوردستان هەلپەرەستانە وای نیشان داوە كە حیزبەكانی ڕۆژهەڵات كۆتاییان هاتووە، جێگای داخ ئەوەیە كە تەنانەت دوستەكانیشمان كە ئەم هەنگاوە بەرپرسیارانەیەی حیزبی ئێمە زۆرتر بۆ لە بەرچاوگرتنی دۆخی ئەوان هەڵگیراوە، حیزبەكانی ڕۆژهەڵات و بزووتنەوە و هێزی پێشمەرگەی ئەو بەشەیان بە لاواز لە قەڵەم داوە. لە لایەكی دیكەوە هەبوون و هەن ئەو كەسانەش كە خەباتی پێشمەرگەیان كردۆتە هۆكاری پاساو هێنانەوە بۆ سەركوتەكانی ڕێژیم و وایان تەبلیغ دەكرد كە ئەگەر خەباتی هێزی پێشمەرگە نەبێ، ڕێژیمی دژی گەلیی كۆماری ئیسلامی ئاوڕ لە كوردستان دەداتەوە و كوردستان دەبووژێنێتەوە، بێكاریی خەڵك چارەسەر دەكرێ و كوردستان ئاوەدان دەبێتەوە.

ڕاگرتنی خەباتی چەكداری لەم ماوە درێژەدا بەس بووە بۆ ئەوەیكە ئەم تاقمە تێبگەن كە ڕێژیم نە تەنیا كوردستانی ئاوەدان نەكردۆتەوە، بەڵكوو بە پلانی ورد و پڕتێچوو و بەربڵاو دەستی داوەتە سڕینەوەی شوناسی نەتەوەیی و فەرهەنگیی كورد و لە باتی ئاوەدانی و دابینكردنی كار، زیاتر لە پێشوو كوردستانی كردۆتە ئامانج و خەڵكی بەرەو هەژاریی زیاتر بردووە.

بریاری گەڕانەوەی هێزی پێشمەرگە و حوزوور لە نێو خەڵكی كوردستان لە ساڵی ١٣٩٤ی هەتاویدا و پێشوازیی كۆمەڵانی خەڵك لە ڕوڵە پێشمەرگەكانیان وەڵامێك بۆ كوماری ئیسلامی بوو كە تێبگات ئەو هێزە لە نێو دڵی كۆمەڵانی خەڵكی كوردستان هەڵقوڵاوە و نە كز و لاواز دەبێ و نە لە میدان وەدەر دەنرێ، بۆیە هە زوو هاواریان لێ هەستا و ئەم جارە ویستیان وا بنوێنن كە ئەم حەرەكەتە بە فیتی ئەم وڵات و ئەو وڵات بووە كە لەم پڕوپاگەندەیەشدا سەركەوتوو نەبوون و تەنانەت بەكرێگیراوانی خۆیشیان باوەڕیان بەم فرتوفێل و درۆ و دەلەسەیە نەبوو.

ئەوە وەڵامێكیش بوو بۆ ئەو لایەنانەی كە پێیان وا بوو یان بۆ پێخۆشبوونی ڕێژیمی كوماری ئیسلامی دەیانهەویست وا بنوێنن كە حیزبەكانی ڕوژهەڵاتی كوردستان لاواز بوونە. هەڵسووڕانی تیمەكانی پێشمەرگە لە سێ ساڵی رابردوودا لە نێوخۆی وڵات و لە نێو خەڵكی كوردستاندا ناوی ڕاسانی ڕۆژهەڵاتی لە سەر دانرا. ڕاسانی ڕۆژهەڵات كە بە مانای لێك گرێدانی خەباتی شار و شاخ دێت، مانایەكی بەربڵاوتری لە ئەرك و كاروباری ڕۆژهەڵات وێنا كردووە. ئێستا دوای سێ ساڵ وشەی "ڕاسان" لە ئەدەبیاتی سیاسیدا بە واتای بووژانەوەی خەباتی كوردستانی ڕۆژهەڵات جێگەی خۆی كردۆتەوە و ناوی ڕاسان بووەتە ناوێكی خۆشەویست بۆ خەڵكی خەباتگێڕی كوردستان، هەر بویە زۆر بنەماڵە ناوی كۆرپە تازە لەدایكبووەكانیان كردۆتە ڕاسان. ڕاسان ئەگەر بۆ خەڵكی كوردستان ناوێكی هیوابەخش و خۆشەویستە، بۆ دوژمنان سەمبولی جووڵەیەكی توقێنەرە كە خەونی ئارامی و سەقامگیری لە چاوی ئەوان دەزڕێنێت و تووشی نیگەرانی و دڵەخورپەیان دەكات.

لەم قۆناغە نوێیەی خەباتدا كە بە ڕاسانی ڕۆژهەڵات دەناسرێتەوە، سەرنج دەخەینە سەر دوو پرسیار:

پێشمەرگە كێیە و پێشمەرگایەتی چیە؟

لە وەڵامی ئەو دوو پرسیارەدا دەبێ بڵێین: ئەركی خەبات بە سەر شار و شاخدا دابەش نابێت، بەڵكوو لێك گرێ دەدرێ. واتە ئەركی هاوبەش، پێناسەی هاوبەش بۆ شار و شاخ دیاری دەكات. لەم ڕووەوە بە هاوبەشی ئەركی پێشمەرگایەتی رادەپەڕێنن، بە تایبەتی كە خودی پێشمەرگایەتیش هەڵگری پێناسەی نوێیە. پێشمەرگایەتی تەنیا لە بەرگریی چەكداریدا كورت ناكرێتەوە، تێكۆشانی ئەندامانی حیزب لە نێوخۆ و هەروەها ئەندامانی ئاشكرای حیزب لە شێوازی جۆراوجۆردا بەشێكی گرینگی پاڵپشتی لە بەرگریی چەكدارانەن. ئەندامانی نێوخۆی وڵات لە پێناوی بەرەوپێشبردنی ئەم خەباتە ڕەوایەدا بەرەوڕووی زیندان، ئەشكەنجە و ئازاری ڕێژیمە سەركوتكەرەكان بوونەتەوە و ژمارەیەكیشیان سزای ئیعدامیان بە سەردا سەپاوە، ئەندامانی تەشكیلاتی ئاشكراش بە هاوكارییە مادی و مەیدانییەكانیان لە ڕۆژە سەخت و چارەنووسسازەكاندا سەلماندوویانە كە ئەوانیش پێشمەرگەن.

ڕاسان جووڵانەوەیەكە كە چەندین ڕەهەند لە بوارەكانی خەباتی تەشكیلاتی، دیپلۆماسی، ڕاگەیاندن و جەماوەری ... دەگرێتەوە و لە ڕاستیدا ڕاسان جووڵانەوەیەكە كە هەموو تاكەكانی كوردستان دەبێ بە بەشداریكردن لە ڕەهەندە جۆراوجۆرەكانیدا ئەركی خۆیان بە جێ بگەیەنن.

پێشمەرگە تێكۆشەرەكان!

ناوچەی ڕۆژهەڵاتی ناوەڕاست لەبەردەم ئاڵوگۆڕێكی چاوەڕوانكراودایە. ڕێژیمی كۆماری ئیسلامی بەهۆی دەستێوەردانەكانی لە ناوچەكەدا و هەوڵدان بۆ بەدەستهێنانی چەكی ناوكی و پشتیوانی لە ڕێكخراوە تیرۆریستییەكانی ناوچە و بەم هۆیەوە لەمەترسی خستنی ئاسایش و بەرژەوەندییەكانی وڵاتانی ناوچە و هەروەها ڕوژئاوا كەوتۆتە بازنەی ڕوبەڕووبوونەوە لەگەڵ ڕوژئاوا و وڵاتانی هاوپەیمانیی عەرەبی لەلایەكەوە و لە لایەكی دیكەوە بەهۆی خراپیی دۆخی ئابووری، سیاسی، كۆمەڵایەتیی نێوخۆی وڵات لە داهاتوویەكی نە زۆر دووردا بەرەو لاوازبوون دەچێت. لەم هەلومەرجەدا ئێوە تێكۆشەرانی ڕێگای خەبات بۆ ڕزگاریی گەل ئەركێكی قورستر لە ئێستاتان دەكەوێتە سەرشان. بۆیە هەر لە ئێستاوە دەبێ خۆتان بۆ ئەو ڕۆژە ئامادە بكەن. گومان لەوەدا نیە كە بە بوونی حیزبی دێموكرات و خەباتی هێزی پێشمەرگە، داهاتووی میللەتەكەمان هەركات لە سەركەوتن نزیكتر دەبێتەوە.

هاوڕێیانی تێكۆشەر!

ڕۆژی پێشمەرگە ڕۆژێكە بۆ ڕێزگرتن لە خەباتی پێشمەرگە لە هەمان كاتدا ڕۆژێكیشە بۆ پەیمان نوێكردنەوە لەگەڵ نەتەوە بندەستەكەمان و ڕاگەیاندنی ئیرادەی بەهێزی پێشمەرگانەمان و بۆ خەبات لە ڕێگای ئامانجەكانی گەلەكەماندا دەبێ درۆشمی نەسرەوتن تا سەركەوتن بكەینە ویردی زمانمان.

پێشمەرگە تێكۆشەرەكان!

هاوڕێیانی ئازیزم!


٢٦ی سەرماوەز، ڕۆژی پێشمەرگەی كوردستان لە ئێوە و لە هەموو هێزی پێشمەرگەی كوردستان پیرۆز بێ و هیوادارم بە خەبات و تێكۆشانی بێ وچانمان گەلەكەمان بگەیەنینە ئامانجە بەرزەكانی ئازادی و ڕزگاریی یەكجاری و بەم چەشنە هەم ڕۆحی پیرۆزی شەهیدەكانمان ئاسوودە دەبێت و هەم گەلەكەمان بە سەر ڕۆژڕەشییەكانیدا زاڵ دەبێت و بە سەركەوتنی یەكجاری دەگات.

پیرۆز بێ ٢٦ی سەرماوەز، ڕۆژی پێشمەرگەی كوردستان
سڵاو لە شەهیدانی ڕێگای ڕزگاریی گەل
سڵاو لە زیندانیانی سیاسیی خۆڕاگر
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٧ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و گۆڕان
ــ ڕاسان و ڕۆڵی ژنان لەم دیسکۆرسەدا
ــ ئازادی، سەربەخۆیی و میریی و گەورەیی
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.
  • سیستمی پەروەردە و بارهێنان لە ئێراندا بەرەو کوێ؟ سیستمی پەروەردە و بارهێنان لە ئێراندا بەرەو کوێ؟
    هیچ گیانلەبەرێک نییە کە بتوانێت بێبەش و دوورخراوە لە "پەروەردە و ڕاهێنان" بژیت و پێویستی بەو مەسەلەیە نەبێت، تەنانەت ئەگەر گیانلەبەرێک بە تەنیا لە هەر شوێنێک بژیت، بە تەنیا خۆی پەروەردە دەکات و "چۆنیەتی" ڕێڕەوی ژیانی خۆی دیاری دەکات بۆ ئەوەیکە بتوانێت لە بەردەم ئاستەنگ، کێشە و گرفتەکانی ژیاندا سەرکەوێ و ئەمنییەتی هەمەلایەنەی ژیانی دابین بکات.
  • ڕاسان و ڕۆڵی ژنان لەم دیسکۆرسە‌دا ڕاسان و ڕۆڵی ژنان لەم دیسکۆرسە‌دا
    ڕاسان لە واتای وشەییدا بە مانای هەڕەشە بۆ لێدان و هەستانەوە و ڕاسبوونەوە بەرامبەر بە هێرشبەرێک بۆ تۆقاندن و دابەزاندنی ورەی دێت.
  • \ "ئازادی، سەربەخۆیی و میریی و گەورەیی"
    ئەگەر تەنیا ئەو دوو ڕستەیەی ئەو رۆژنامەیە و سیاسەتی گشتی بەڕێوەبەرانی رۆژنامەکە و بە روونی سیاسەتی دەسەڵاتدارانی شۆڕشی سمکۆ سەیر بکەین و بیدەینە بەر سەرنج، بە روونی بۆمان دەردەکەوێت، کە خەڵکی کوردستان زۆر پێش ئەوەی ئەرتەشی سوور بۆ مەبەستی بەرگریکردن لە ئەگەری هێرشی ئاڵمان لە خاکی ئێرانەوە، رووبکاتە ئێران خۆی وەک نەتەوەیەک داناوە و باوەڕی بە بەرژەوەندی باڵای نەتەوەکەی هەبووە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    به‌ دوای رووخانی كۆماری كوردستان و له‌ سێداره‌درانی پێشه‌وا قازی مه‌حه‌ممه‌د له ١٠ی خاکەلێوەی ١٣٢٦ی هەتاوی‌(٣٠ی مارسی ١٩٤٧) خه‌باتی حیزبی دێموكرات كه‌وته‌ قۆناغێكی ئه‌سته‌مه‌وه‌، به‌ڵام حیزبی دێموكرات وه‌ك حیزبێكی ڕێنوێن، درێژه‌پێده‌ر و وه‌دیهێنه‌ره‌وه‌ی ئامانجه‌ به‌رزه‌كانی كۆماری كوردستان، ئه‌ركی رێكخستنی بزاڤی میللی- دێموكراتیكی كۆمه‌ڵانی خه‌ڵكی كوردستانی درێژه‌ پێدا.
  • ڕاسان و گۆڕان ڕاسان و گۆڕان
    حیزبی دێموکراتی کوردستانی ئێرانیش وەک هەر حیزبێکی دیکە، لە قۆناخی نوێدا پێویستی بە هزری نوێ و هێزی نوێ و رۆئیای دووبارە پێناسەکراو و سیستمی کاری نوێ هەیە.
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".