• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ئاوریلی ٢٠١٨ی زایینی - ٣١ی خاکەلێوەی ١٣٩٧ی هەتاوی  

دەنگی راسانی گەلان نابیستن

زایینی: ٠٥-٠١-٢٠١٨ - هەتاوی: ١٣٩٦/١٠/١٥ - ١٥:٥٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
دەنگی راسانی گەلان نابیستن
کەریم پەرویزی

ڕێژیمی ئیسلامیی زاڵ لە ئێران و بەرپرسانی ئەو ڕێژیمە، بە هۆی چەواشەکاریی لەڕادەبەدەر و ڕۆچوون لە زەلکاوی کردەوە و پڕوپاگەندە دژەمرۆیی و درۆیینەکانیاندا دەنگی ئازادیخوازیی گەلان نابیستن.

لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.

لافاوی ئەم جارە، هاتنە سەر شەقامی خەڵکی هەژار و کەمداهات و ستەملێکراو و سووکایەتی پێکراو بوو کە هیچ هیوایەکی گەش لەم ڕێژیمەدا بەدی ناکەن و قۆناخ بەقۆناخ و بڕگە بە بڕگە خەیانەت لە ئاواتەکانیان کراوە و نانی سەر سفرەیان دزراوە وخەرجی مووشەک و بۆمب و تەقینەوە وئاژاوە لە وڵاتانی دەوروبەر کراوە و ئەوەشی کە لە سامانی وڵات لە نێوخۆدا سەرف کرابێ، بۆ گیرفانی تاڵانچییەکان چووە و گەنج و لاوی ئەم وڵاتە بێکار و تووشبوو بە ماددەی سڕکەر کراون.

خەڵکانی ئێران هیوایەکی درۆینەیان بۆ دروست کرابوو کە دوای رێککەوتنی بەرجام، خۆشگوزەرانی خەڵک دادەپۆشێ ونیعمەت و سامانی دەرەکی روو لە وڵات دەکات! پێیان وتبوون کە سوپای پاسداران تەنیا لەبەر پاراستنی شوێنە پیرۆزەکان چوونەتە عێراق و سووریە! وایان پێ نیشان دابوون کە ئەوان بەر بە هاتنی داعش دەگرن!

بەڵام هەموو ئەو درۆ و چەواشەکارییانە لەماوەی دووساڵی ڕابردوودا پەردەیان لەسەر لادرا و وای لێ هات کە بە میلیارد دۆلار سەرفی سووریە و یەمەن و لوبنان و تاڵیبان و قاعیدە و داعش و ... کرا و خەڵکانی ئێران بە تامەزرۆییەوە چاو لە نان و هێلکەی نێو فیلمە کۆنەکان بکەن!

خەڵکی تووڕە لە هەموو گەندەڵی و سووکایەتی پێکردنەکان کە ڕێژیمی کۆماری ئیسلامی بەدیاری بۆ ئەم وڵاتەی هێناوە، لە ماڵ هاتنەدەر و شەقامیان لە دەستی داگیرکەرانی ستەمکار رزگار کرد.

جاران ڕێژیم هەموو کون و قوژبنێکی ئەم وڵاتەی لە پوستێر و وێنەی رێبەرانی دێوەزمەی ڕێژیم تەنی بوو، ئێستە خۆی بە پەلەپڕووزەوە لێیان دەکاتەوە با خەڵک لێیان ئاگر تێ بەرنەدەن!

وەکوو هەمیشە و وەک نەریتی هەموو دیکتاتۆر و سەرەڕۆکان و وەك چوار دیەی رابردووی، ڕێژیمی کۆماری ئیسلامیش وەڵامی ناڕەزایی دەربڕینی خەڵک، بە سەرکوت و توندوتیژی و گرتن و کوشتن دەداتەوە و تاکوو ئێستا سەدان کەس لە خەڵکی راپەڕیو خەڵتانی خوێن کراون و دەیان کەس شەهید کراون.

هەموو بەرپرسانی ڕێژیم و هەموو لایەن و حیزب و گرووپ و باڵ و باندی ڕێژیم بەتێکڕا ترسیان لێ نیشتووە و بەتێکڕا و هاودەنگ دەڵێن کە ئەمە پیلانی دوژمنانە و ئەمانەی کە خۆپیشاندان دەکەن دەبێ سەرکوت بکرێن و کۆبکرێنەوە!

وادیارە نزیک بە چوار دەیە دەسەڵاتی ئیسلامیی تاران، تەنیا بەرهەمی زیادکردنی دوژمن بووە کە ئێستا دوژمن تا بەر دەرکی رێبەری ڕێژیم رۆیشتوە و لە نێو قوم و مەشهەدیشدا نەمان بۆ خامنەیی و ڕێژیمی ئیسلامی دەوترێتەوە!

ئەمجارە دەنگی خەباتکاری و شۆڕشی خەڵکانی ئێران و نەتەوە ستەملێکراوەکان ئەوەندە بەرزە کە گوێی کەڕ وکپی ویلایەتی فەقیهی بە هەموو باندەکانیەوە نایبیسێ. ڕێژیمی پاشایەتی هەرچەند درەنگ، بەڵام لە کۆتاییدا وتی کە دەنگی شۆڕشی خەڵکم بیست، بەڵام ئەم ڕێژیمە گوێی ئەوەندە کەڕە و خۆی ئەوەندە بڕوای بە پڕوپاگەندە چەواشەکانی خۆی کردووە و دەنگی شۆڕشی نەتەوەکانی ئێران ئەوەندە بەرزە کە دەرەتانی بیستنیان نابێ. زبڵدانی مێژوو چاوەڕێی ئەم ڕێژیمە سەرکوتکەر و ستەمکارەش دەکا، بەڵام هیوادارم کە خامنەیی بە مردن یان هەڵاتن دەربازی نەبێ و بەر دەستی دادگای شۆڕشی گەلان بکەوێ.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: