کوردستان میدیا: وەزارەتی نێوخۆی ڕێژیمی ئێران بڵاوی کردووەتەوە، کە ناڕەزایەتییەکان کەم نابێتەوە و درێژه دەکێشێت.
وەزارەتی نێوخۆی ڕێژیمی ئیسلامیی ئێران لە سەر ناڕەزایەتییەکانی خەڵک دژی ئەو ڕێژیمە، لە ڕاپۆرتێکدا بۆ سەرکۆماری ڕێژیم باسی لەوە کردووە، کە ناڕەزایەتییەکانی خەڵک بەستێنی ئابووری ـ بژیوی ژیان، سیاسی و فەرهەنگی ـ کۆمەڵایەتی هەیە و ئەگەر گۆڕانگارییەکی بنەڕەتی ئەنجام نەدرێت ئەو ناڕەزایەتییانە درێژەیان دەبێت.
لەو باریەوە حەسەن زوڵفەقاری جێگری ئەمنییەتی ئینتزامیی وەزارەتی ڕێژیم، لە بارەی خۆپیشاندانەکانی خەڵک ڕاپۆرتێکی ڕادەستی حەسەن ڕۆحانی سەرکۆماری ڕێژیم کردووە و باسی لەوە کردووە، کە دروشمەکان دژی گرانی و دواتر دژی ڕێژیم بوون.
ئەو بەرپرسە باڵایەی ڕێژیم باسی لەوە کردووە، ناکرێت چاوڕوان بین، کە ناڕەزایەتییەکان کۆتاییان پێ بێت. ناوبراو هەروەها وتوویەتی: خاڵی لاوازی وڵامدەریـی بەرپرسانی دامودەزگا دەوڵەتییەکانیش پەرە بە ناڕەزایەتییەکان دەدات.
لەو ڕاپۆرتەدا هاتووە، خەڵک متمانەی بە ئۆرگان و ناوەندە حکوومەتییەکان نەماوە و کارامەیی خۆیان لە دەست داوە. ئەوەش بۆ ئەوە دەگەڕێتەوە که بەرپرسانی وادە و بەڵێنی خۆڕایی بە خەڵک دەدەن.
لەو ڕاپۆرتەدا هەروەها باسی کێشەی ئابووری، بێکاری، تەمەنی خۆپیشاندەران و پرسی دیکە کراوە، کە هۆکاری خۆپیشاندانەکان لە ئێرانن و ئەگەر چارەسەر نەکرێن هەڕەشەیەک بۆ سەر مانەوەی ڕێژیمن.
ناڕەزایەتییەکانی خەڵکی ئێران، دژ بە ڕێژیم لە شێوازی جۆراوجۆر بەردەوامن و ڕێژیم هەڕەشە لە خەڵک دەکات، کە درێژە بە خۆپیشاندانەکان نەدەن.
وەزارەتی نێوخۆی ڕێژیمی ئیسلامیی ئێران لە سەر ناڕەزایەتییەکانی خەڵک دژی ئەو ڕێژیمە، لە ڕاپۆرتێکدا بۆ سەرکۆماری ڕێژیم باسی لەوە کردووە، کە ناڕەزایەتییەکانی خەڵک بەستێنی ئابووری ـ بژیوی ژیان، سیاسی و فەرهەنگی ـ کۆمەڵایەتی هەیە و ئەگەر گۆڕانگارییەکی بنەڕەتی ئەنجام نەدرێت ئەو ناڕەزایەتییانە درێژەیان دەبێت.
لەو باریەوە حەسەن زوڵفەقاری جێگری ئەمنییەتی ئینتزامیی وەزارەتی ڕێژیم، لە بارەی خۆپیشاندانەکانی خەڵک ڕاپۆرتێکی ڕادەستی حەسەن ڕۆحانی سەرکۆماری ڕێژیم کردووە و باسی لەوە کردووە، کە دروشمەکان دژی گرانی و دواتر دژی ڕێژیم بوون.
ئەو بەرپرسە باڵایەی ڕێژیم باسی لەوە کردووە، ناکرێت چاوڕوان بین، کە ناڕەزایەتییەکان کۆتاییان پێ بێت. ناوبراو هەروەها وتوویەتی: خاڵی لاوازی وڵامدەریـی بەرپرسانی دامودەزگا دەوڵەتییەکانیش پەرە بە ناڕەزایەتییەکان دەدات.
لەو ڕاپۆرتەدا هاتووە، خەڵک متمانەی بە ئۆرگان و ناوەندە حکوومەتییەکان نەماوە و کارامەیی خۆیان لە دەست داوە. ئەوەش بۆ ئەوە دەگەڕێتەوە که بەرپرسانی وادە و بەڵێنی خۆڕایی بە خەڵک دەدەن.
لەو ڕاپۆرتەدا هەروەها باسی کێشەی ئابووری، بێکاری، تەمەنی خۆپیشاندەران و پرسی دیکە کراوە، کە هۆکاری خۆپیشاندانەکان لە ئێرانن و ئەگەر چارەسەر نەکرێن هەڕەشەیەک بۆ سەر مانەوەی ڕێژیمن.
ناڕەزایەتییەکانی خەڵکی ئێران، دژ بە ڕێژیم لە شێوازی جۆراوجۆر بەردەوامن و ڕێژیم هەڕەشە لە خەڵک دەکات، کە درێژە بە خۆپیشاندانەکان نەدەن.
