• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی فێڤریەی ٢٠١٨ی زایینی - ٠٦ی رەشەمەی ١٣٩٦ی هەتاوی  

ڕێوڕەسمی ٢ی ڕێبەندان ساڵیادی دامەزرانی کۆمار کوردستان لە بریتانیا بەڕێوە چوو

زایینی: ٣١-٠١-٢٠١٨ - هەتاوی: ١٣٩٦/١١/١١ - ١١:٥٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕێوڕەسمی ٢ی ڕێبەندان ساڵیادی دامەزرانی کۆمار کوردستان لە بریتانیا بەڕێوە چوو
کوردستان میدیا: ڕێوڕەسمێکی بەشکۆ بۆ یادی ٢ی ڕێبەندان ساڵیادی دامەزرانی کۆمار کوردستان لە وڵاتی بریتانیا بەڕێوە چوو.

ڕۆژی شەممە ڕێکەوتی ٧ی ڕێبەندانی ١٣٩٦ی هەتاوی، لە شاری مەنچێستێری وڵاتی بریتانیا، کۆمیتەی حیزبی دێموکراتی کوردستانی ئێران، لەم وڵاتە لە ڕێوڕەسمێکی بەشکۆدا یادی ٢ی ڕێبەندان، ٧٢هەمین ساڵڤەگەری دامەزرانی کۆماری کوردستانی بەرز ڕاگرت.

ڕێوڕەسمەکە بە ئامادەبوونی هونەرمەندی گەورەی کورد "ناسر ڕەزازی" و بەشداریی بەرچاوی ئەندامان و لایەنگرانی حیزب و بەگشتی کوردانی دانیشتووی بریتانیا بەڕێوە چوو.

بەرنامەکانی ئەم ڕێوڕەسمە بە سروودی نەتەوەیی "ئەی ڕەقیب" و ڕاگرتنی خولەکێک بێدەنگی بۆ ڕێزگرتن لە گیانی پاکی شەهیدانی کورد و کوردستان دەستی پێ کرد .

لە سەرەتای ڕێوڕەسمەکەدا هەر یەک لە "فەرید دەیهیم" ئەندامی کۆمیتەی حیزبی دێموکرات و "گزینگ نوورانی" نوێنەری یەکیەتیی ژنانی دیمۆکراتی کوردستانی ئێران وێڕای بەخێرهاتنی بەشداربووان ئاماژەیان بە گرینگی ئەو بۆنەیە و نێوەڕۆک و بەشەکانی ئەو ڕێوڕەسمە کرد.

پاشان وتاری کۆمیتەی حیزبی دێموکرات بەو بۆنەوە لە لایەن "ڕامبود لوتفپووری" بەرپرسی کۆمیتەوە پێشکەش کرا .

لوتف‌پووری لە وتەکانیدا وێڕای ئاماژە بە چۆنیەتی دامەزرانی کۆماری کوردستان و تایبەتمەندییە دیمۆکراتیک و مۆدێڕنەکانی ئەو دەسەڵاتە، باسی لەو بەستێن و هەلومەرجە لەبار و نالەبارە سیاسی و کۆمەڵایەتییانەی ئەو سەردەمە کرد، کە کۆماری کوردستانی تێدا دروست بوو.

ناوبراو لەم بەشە لە قسەکانیدا وتی: "ڕاستە کە کۆماری کوردستان لە شەوەزەنگی سەرەڕۆیی و بیابانی نەزانی و دواکەوتوویی ڕۆژهەڵاتی ناوەڕاستدا وەک چرایەک بوو بە ڕێپیشاندەری ئازادی و پێشکەوتن، بەڵام هەژاریی کولتووری و نزمبوونی ئاستی وشیاریی سیاسی و نەتەوەییی خەڵکی کوردستان لەو سەردەمە و نەگونجاوبوون و ناهاوتەریبییان لەگەڵ ستراکتۆری پێشکەوتووی کۆمار و تایبەتمەندییە مۆدێڕنەکانی، وەک هۆکارێکی نێوخۆیی بەستێنیان بۆ ڕووخانی کۆمار خۆش کرد".

لوتفپووری لە بەشی دووهەمی وتارەکەیدا تیشکی خستەسەر بارودۆخی ئێستای هەر چوار بەشی کوردستان و ئاماژەی بەو دەرفەت و هەڕەشانە کرد، کە بەرەوڕووی کورد بوونەتەوە و وتی: "دەسکەوتەکانی کورد لە دە ساڵی ڕابردوو و بەتایبەت لە باشوور و ڕۆژئاوای نیشتماندا بە توندی داگیرکەران و دوژمنانی کوردی تووڕە کردووە و پیلانێکی نگریس و مەترسیداریان بۆ شکاندنی شکۆی کورد و لەباربردنی هەموو هیوا و دەسکەوتەکانی داڕشتوە کە قۆناغی یەکەمی لە کەرکووک و باشووری کوردستان جێبەجێ کرا و ئێستاش خەریکن قۆناغی دووهەمی لە عەفرین بەڕێوە دەبەن".

سەرەکیترین مەرجی دەربازبوون لەم قۆناغە و سەرکەوتن بەسەر ئەم پیلانگێڕییە نێودەوڵەتییەش پێداچووونەوە بە دۆخی ئاسایشی نەتەوەیییە، واتە لەبەرچاوگرتنی بەرژەوەندی باڵای نەتەوەیی لە سەرووی قازانج و بەرژەوەندی حیزبی و تاکەکەسی و یەکگرتوویی نێوماڵی کوردە.

دواتر بەشی دووهەمی بەرنامەکانی ڕێوڕەسمەکە دەستی پێ کرد کە بریتی بوون: لە چەند سروود و گۆرانییەک کە لە لایەن هەر کام لە هونەرمەندان شەهرام گەرمێنی، شێرکۆ مەریوانی و مامۆستا ناسری ڕەزازییەوە پێشکەش کران و بەشداربووانیش بە هەڵپەڕکێ و دەربڕینی شادی ئەم یادە پیرۆزەیان بەرز نرخاند.

لە دوایین بڕگەدا، هاوڕێ قادر تەربیەت ئەندامی کۆمیتەی حیزب و ڕێکخەری ڕێوڕەسمەکانی کۆمیتە وێڕای پیرۆزبایی دووبارەی ئەو بۆنە پیرۆزە و سپاسی ئامادە بوونی بەشداربووان کۆتایی بە رێوڕەسمەکە هێنا.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.