کوردستان میدیا: ڕاوێژکاری ڕێبەری کۆماری ئیسلامیی ئێران ڕایگەیاند، کە پشتیوانییەکانیان بۆ حیزبوڵڵا و حەماسی لوبنانی بەردەوام دەبێت.
عەلی‌ئەکبەر ویلایەتی، ڕاوێژکاری پلەبەرزی ڕێبەری ڕێژیمی ئیران، لە بواری کاروباری نێونەتەوەیی، بوون و دەستێوەردانی ڕێژیمەکەی لە وڵاتانی ناوچەی ڕۆژهەڵاتی نێوەڕاستی پشتڕاست کردووە و جەختیشی لەوە کردۆتەوە، کە سەرەڕای هەڕەشەکانی ئامریکا و وڵاتانی عەرەبی بۆ سەر ئێران بە مەبەستی وازهێنان لە دەستێوەردان لە لوبنان، وڵاتەکەی لە پشتیوانی و بەهێز کردنی سیستماتیکی حیزبوڵڵا و حەماسی لوبنان بەردەوام دەبێت.
ویلایەتی لە کۆنفڕانسی قوتابیان بۆ پشتیوانی لە ئینتیفازەی فلستین بەشداری کرد و لە ئاخاوتنەکانیدا ڕایگەیاندووە: خۆتان نیگەرانی چەند کەسێک مەکەن کە بوونەتە داردەستی بەکرێگیراوان و لە سەرشەقام دروشمی (نە غزە، نە لبنان، جانم فدای ئیران) دەڵێنەوە، پشتیوانی لە ئینتیفازەی لوبنان یەکێک لە ئارمانە سەرەکییەکانی ئیمام خومەینییە و ئێمەش لە پشتیوانی خۆمان لە حیزبوڵڵا و حەماسی لوبنانی بەردەوام دەبین.
ناوبراو نەیشاردۆتەوە کە حیزبوڵڵای لوبنان بە هۆی پشتیوانی و یارمەتییەکانی ڕێژیمی ئێرانەوە بەهێز بووە، هەروەها لەو دیدارەدا وتەیەکی سکرتێری گشتیی جیهادی ئیسلامیی فلستینی وەک شانازی وڵاتەکەی بۆ بەشداربووان باس کردبوو، کە کاتی شەڕی غەزە رەمەزان عەبدوڵڵا شەلەح ڕایگەیاندبوو: لە نانی خواردن هەتا فیشەکەکانمان ئێران دابینی دەکات.
ویلایەتی ڕوو لە خەڵکی ناڕازیی ئێران کە کاتی ناڕەزایەتییەکانی بەفرانباری ئەمساڵ، دروشمی نە غزە، نە لبنان، جانم فدای ایرانیان وتبووەوە، وتوویە: ئەوانە بێعەقڵ و بەکرێگیراوی دۆژمنانن.
هەر لەم پێوەندییەدا، دامەزراوەی نێودەوڵەتی بەرگری لە دێمۆکراسی لە نوێترین ڕاپۆرتی خۆیدا ڕایگەیاندبوو، کە ڕێژیمی ئێران ساڵانە بڕی ٧٠٠ تا ٨٠٠ میلیۆن دولاری ئامریکایی یارمەتی حیزبوڵڵای لوبنان دەکات.
عەلی‌ئەکبەر ویلایەتی، ڕاوێژکاری پلەبەرزی ڕێبەری ڕێژیمی ئیران، لە بواری کاروباری نێونەتەوەیی، بوون و دەستێوەردانی ڕێژیمەکەی لە وڵاتانی ناوچەی ڕۆژهەڵاتی نێوەڕاستی پشتڕاست کردووە و جەختیشی لەوە کردۆتەوە، کە سەرەڕای هەڕەشەکانی ئامریکا و وڵاتانی عەرەبی بۆ سەر ئێران بە مەبەستی وازهێنان لە دەستێوەردان لە لوبنان، وڵاتەکەی لە پشتیوانی و بەهێز کردنی سیستماتیکی حیزبوڵڵا و حەماسی لوبنان بەردەوام دەبێت.
ویلایەتی لە کۆنفڕانسی قوتابیان بۆ پشتیوانی لە ئینتیفازەی فلستین بەشداری کرد و لە ئاخاوتنەکانیدا ڕایگەیاندووە: خۆتان نیگەرانی چەند کەسێک مەکەن کە بوونەتە داردەستی بەکرێگیراوان و لە سەرشەقام دروشمی (نە غزە، نە لبنان، جانم فدای ئیران) دەڵێنەوە، پشتیوانی لە ئینتیفازەی لوبنان یەکێک لە ئارمانە سەرەکییەکانی ئیمام خومەینییە و ئێمەش لە پشتیوانی خۆمان لە حیزبوڵڵا و حەماسی لوبنانی بەردەوام دەبین.
ناوبراو نەیشاردۆتەوە کە حیزبوڵڵای لوبنان بە هۆی پشتیوانی و یارمەتییەکانی ڕێژیمی ئێرانەوە بەهێز بووە، هەروەها لەو دیدارەدا وتەیەکی سکرتێری گشتیی جیهادی ئیسلامیی فلستینی وەک شانازی وڵاتەکەی بۆ بەشداربووان باس کردبوو، کە کاتی شەڕی غەزە رەمەزان عەبدوڵڵا شەلەح ڕایگەیاندبوو: لە نانی خواردن هەتا فیشەکەکانمان ئێران دابینی دەکات.
ویلایەتی ڕوو لە خەڵکی ناڕازیی ئێران کە کاتی ناڕەزایەتییەکانی بەفرانباری ئەمساڵ، دروشمی نە غزە، نە لبنان، جانم فدای ایرانیان وتبووەوە، وتوویە: ئەوانە بێعەقڵ و بەکرێگیراوی دۆژمنانن.
هەر لەم پێوەندییەدا، دامەزراوەی نێودەوڵەتی بەرگری لە دێمۆکراسی لە نوێترین ڕاپۆرتی خۆیدا ڕایگەیاندبوو، کە ڕێژیمی ئێران ساڵانە بڕی ٧٠٠ تا ٨٠٠ میلیۆن دولاری ئامریکایی یارمەتی حیزبوڵڵای لوبنان دەکات.
