• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی فێڤریەی ٢٠١٨ی زایینی - ٠١ی رەشەمەی ١٣٩٦ی هەتاوی  

نوێنەری حیزبی دێموکرات لەگەڵ جێگری کۆمیتەی کاروباری درەوە و گەشەپێدانی نێونەتەوەیی کانادا کۆ بووەوە

زایینی: ٠٦-٠٢-٢٠١٨ - هەتاوی: ١٣٩٦/١١/١٧ - ١٨:٠١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
نوێنەری حیزبی دێموکرات لەگەڵ جێگری کۆمیتەی کاروباری درەوە و گەشەپێدانی نێونەتەوەیی کانادا کۆ بووەوە
کوردستان میدیا: "کەژاڵ محەممەدی" نوێنەری حیزبی دێموکراتی کوردستانی ئێران لە ڕۆژهەڵاتی کانادا، لەگەڵ جێگری کۆمیتەی کاروباری درەوە و گەشەپێدانی نێونەتەوەیی ئەو وڵاتەدا کۆ بووەوە.

ڕۆژی دووشه‌مه‌، ڕێکەوتی ١٦ی ڕێبەندانی ١٣٩٦ی هەتاوی، "كه‌ژاڵ محەممه‌دی" نوێنه‌ری حیزبی دێموکرات له‌ ڕۆژهه‌ڵاتی کانادا له‌گه‌ڵ پارلەمانتار "ئێرن ئه‌وتوڵ" ئەندام پا‌رلەمان لە حیزبی کۆنسێرڤاتیڤ و جێگری کۆمیتەی هەمیشەیی کاروباری دەرەوە و گەشەپێدانی نێونەتەوەیی له‌ پارلەمانی کانادا كۆ بووه‌وه‌.

لەو کۆبوونەوەدا نوێنەری حیزبی دێموکرات ئەم خاڵانەی خوارەوەی خستە ڕوو:

له سه‌ر ئاستی ئێران


ـ باس له سه‌ر خۆپیشاندانه‌كانی ئه‌م دواییانه‌ی ئێران و ناڕه‌زایەتی به‌رچاوی گه‌لانی ئێران له سیاسەتی ڕێژیم له ئاستی وڵات، ناوچه‌كه و جیهاندا.

ـ سیاسه‌تی په‌ره‌پێدانی تێرۆریزم و پاڵپشتی لە گرووپه تێرۆریسته‌كان له ناوچه‌كەدا.

ـ سیاسەتی ده‌ستێوه‌ردان له كاروباری وڵاتانی ناوچه‌كه و به‌تایبه‌ت له عێراق و سووریه و پاڵپشتی گرووپه توندڕەوە تێرۆریستییه‌كان.

ـ نه‌بوونی هیچ جۆره ئازادییەک بۆ هه‌موو چین و توێژه‌كانی ئێران و به‌تایبه‌ت گه‌لانی بنده‌ستی ئێران.

- سیاسه‌تی هه‌ڵاواردن، ڕەگەزپه‌ره‌ستی و تواندنەوە.

ـ باسێك له سه‌ر خۆپیشاندانه‌كان و په‌یامی خۆپیشانده‌ران بۆ گۆڕینی ڕێژیمی ئیسلامیی ئێران.

ـ ئاماری ده‌سبه‌سه‌رکراوەكانی ئه‌م دواییانه به پشت به‌ستن به ڕاپۆرتێک له ناوه‌ندی ئاژانسی هەواڵدەریی کوردپا.

لەسه‌ر كوردستانی ڕۆژهەڵات

- زیاتر میلیتاریزه‌كردنی كوردستان و توندوتیژی زیاتری هێزەکانی سپا، دژە شۆڕش و ئیتلاعاتی دژ به‌ خه‌ڵكی كوردستان و خۆڕاگریی خه‌ڵك و پێشمه‌رگه‌ی نێوشار.

- سیاسه‌تی سیستماتیكی هه‌ڵاواردن و ئاسمیلا‌سیۆن، جیهادی ١٩٧٩ی خومه‌ینی، شه‌هیدكردنی ڕێبه‌رانی كورد له‌ ناو جه‌رگه‌ی دێموكراسیه‌ت، شه‌هیدكردنی كادر و پێشمه‌رگه‌ و هێرش بۆ سه‌ر بنكه‌كانی حیزب له‌ كۆیه‌.

- باس له‌ نه‌بوونی هه‌لی كار و سیاسه‌تی ڕێژیم بۆ له‌ هەژاری ڕاگرتنی كوردستان و دزینی سه‌روه‌ت و سامانی كوردستان.

- سیاسه‌تی له‌ هەژاری ڕاگرتنی كوردستان و دیارده‌ی كۆڵبه‌ری و كوشتی كۆڵبه‌ران له‌ لایه‌ن ڕێژیمەوە.

-چه‌وسانه‌وه‌ی كورد به‌ هۆی كورد بوون، سونی بوون، دێموكراسی و ئازادیخوازی.

- ڕه‌وشی ناله‌باری ٧٠ هه‌زار ژن و منداڵ و پیاو له‌ كرماشان و ڕه‌ق بردنەوەی چه‌ندین منداڵ به‌ هۆی سه‌رما و سۆڵه‌ی زستانەوە.

- باسێک لەسه‌ر خۆپیشا‌نده‌ران و ڕێژه‌ی گیراوه‌كانی ئه‌م دواییانه‌ی كوردستان، له‌ كرماشان و ئیلام تا سنه‌ و خۆی و مه‌هاباد باقی شارەکانی دیکەی کوردستان.

- ده‌سبه‌سه‌ركردنی بەكۆمه‌ڵی ژن و پیاوی كورد، خوێندکاران، چالاکان، نووسه‌ر و ڕۆژنامه‌نووسان.

ـ باسێك له سەر‌ كه‌یسی محه‌ممه‌د نه‌زه‌ری، هیدایه‌ت عه‌بدوڵڵاپوور و ڕامین حوسێن‌په‌ناهی و كوشتنی خۆپیشانده‌رانی كورد له‌ نێویاندا سارۆ قادریانی تەمەن ٢٤ ساڵ.

ـ پێو‌یستیی پاڵپشتی کردن له‌ گه‌لی كورد و باقی نه‌ته‌وه‌كانی دیكه‌ی ئێران كه‌ ٤٩% ئه‌و وڵاته‌ پێك دێنن و بوونەتە‌ قوربانی ده‌ستی ڕێژیم و حكوومه‌ته‌ ناوه‌ندە‌ پاوانخواز و ڕەگەزپه‌ره‌سته‌كانی تاران.

له‌سه‌ر به‌شه‌كانی دیكه‌ی كوردستان

- سیاسه‌تی نێوده‌وڵه‌تی و بێهه‌ڵوێستی ئه‌وان له‌ ئاست كۆمه‌ڵكۆژی، ئاسمیلاسیۆن، ژینۆسایدی زمانی، كولتووری و نه‌ته‌وه‌ی كورد له‌ هه‌ر چوار بەشی كوردستان له‌ لا‌یه‌ن ئه‌م حکوومەتانەوە.

- سیاسەتی ته‌عریب كردنی كه‌ركورک له‌ لایه‌ن میلیشیا‌ عه‌ره‌به‌ عێراقیه‌كانەوە كه‌ سه‌ر به‌ ڕێژیمی ئێرانن.

- بێده‌نگیی كۆمه‌ڵگەی نێوده‌وڵه‌تی له‌ ئاست سیاسه‌تی دووبارەی‌ ڕەگەزپه‌ره‌ستیی حكوومه‌تی ناوه‌ندیی عێراق و توندوتیژی میلیشیا‌ عه‌ره‌به‌كان به‌رامبه‌ر به‌ كورد له‌ باشوور.

- كۆمه‌ڵكۆژی و گه‌له‌كۆمه‌ له‌ عه‌فرین و ئه‌وانه‌ی تا دوێنی له‌ دونیای ده‌ره‌وه‌ به‌ ڕزگاریده‌ری مرۆڤایه‌تی ناسراوبوون.

- ده‌ست به‌سه‌ردا گرتنی پارله‌مه‌نتارانی كورد له‌ توركیه.

- پێویستیی پاڵپشتی له‌ دۆزی ڕه‌وای گه‌لی كورد له‌ هه‌ر چوار بەشی كوردستان بۆ ئازادی و دێموكراسی.

ئه‌وتوڵ و هاوكاره‌كانی سپاسی نوێنه‌ری حیزبی دێموکراتیان كرد بۆ زانیاری، وێنه‌ و ئاماره‌كان و داوایان كرد كه‌ نوێنه‌ری حیزبی دێموکرات ئاماری و زانیاری زیاتریان بۆ بنێرێت.

ئه‌وتوڵ وه‌ك پا‌رلەمانتاره‌كانی دیكه‌ی حیزبه‌كه‌ی‌ له‌ پێوه‌ندی گرتن لەگه‌ڵ نوێنه‌ری حیزب باسی له‌وه‌ كرد، كه‌ ئه‌وان له‌ حیزبه‌كه‌یان له‌ ڕه‌وشی كورده‌كان له‌ ناوچه‌كه‌ زۆر نیگەرانن و له‌ ئێستەدا خه‌ریكی ڕێكخستنێكن له به‌شی‌ سیاسه‌تی ده‌ره‌وه، بۆ پاڵپشتی له‌ گه‌لی كورد و مافه‌ ڕه‌واكانیان له‌ هه‌ر چوار بەشی كوردستان بۆ ئه‌مه‌ش داوای هاوكاری و پاڵپشتی له‌ نوێنه‌ری حیزب كرد.

ئه‌وتوڵ له‌و چاوپێكه‌وتنه‌ باسێكی له‌ سیاسه‌تی حیزبه‌كه‌ی خۆی كرد و وتی: ئه‌وان له‌ حیزبه‌كه‌یان پێشتر كه‌ له‌ حكوومه‌ت بوون، له‌ شه‌ڕ دژی داعش بەپێچه‌وانه‌ی حكوومه‌تی ئێستەی كا‌نادا یارمه‌تی پێشمه‌رگه‌یان داوه‌.

له‌ سه‌ر ئاستی ئێران، ئه‌وتووڵ باسی له‌وه‌ كرد، كه‌ ئه‌وان له‌وه‌ باش تێگه‌یشتون كه‌ ئه‌و ڕێژیمه‌ ڕێفۆرم هه‌ڵناگرێ و ئه‌وان هیچ له‌گه‌ڵ سیاسە‌تی حكوومه‌تی ئێستەی كا‌نا‌دا نین كه‌ باس له‌ گفتوگۆ له‌گه‌ڵ ڕێژیمی ئێران دە‌كات. ئه‌وتوڵ هه‌روه‌ها وتی: ئه‌وان پاڵپشتی دێموكراسیخوازان له‌ ئێرانن و بۆ خۆیشی چه‌ند نووسراوه‌ی له‌سه‌ر خۆپیشانده‌ره‌كان نووسیوه‌ و داوای زیاتر پاڵپشتی کردنی ئه‌وانی كردووه‌.

له‌ كۆتایی ئه‌م چاوپێكه‌وتنه‌ ئه‌وتوڵ سپاسی نوێنه‌ری حیزبی كرد و داوای کرد، له‌سه‌ر ڕه‌وشی ژیان له‌ كوردستان و ئێران ڕاپۆرت و وێنه‌ و ڤیدیۆیان بۆ ئامادە بکات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.