• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

پەیامی بەڕێز مستەفا هیجری بە بۆنەی رۆژی جیهانی بەرەنگار بوونەوە لەگەڵ مادە سڕكەرەكان

زایینی: ٢٦-٠٦-٢٠١٣ - هەتاوی: ١٣٩٢/٠٤/٠٥ - ١٧:١٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی بەڕێز مستەفا هیجری بە بۆنەی رۆژی جیهانی بەرەنگار بوونەوە لەگەڵ مادە سڕكەرەكان
كوردستان میدیا: لەپەیامەكەی سكرتێری گشتیی حیزبی دێمۆكراتی كوردستانی ئێراندا هاتووە، سپای پاسداران لەئێران مادە سڕكەرەكان بە مەبەستی تێكشكاندنی كەسێتی تاكەكان بەكار دێنێ‌.

دەقی پەیامەكە:


هاونیشتمانانی خۆشەویست!

خوشك ‌و برا بەڕێزەكانم!

خەسارە بەرین ‌و بەربڵاوەكانی بەكارهێنانی مادە سڕكەرەكان، لەئاستی هەموو جیهاندا ‌و ترس ‌و دڵەڕاوكێی كۆمەڵگای نێونەتەوەیی لەو بەڵا ماڵوێرانكەرە بووە هۆی پێكهاتنی كۆنفرانسێكی نێونەتەوەیی بە مەبەستی بەربەرەكانی لەگەڵ اعتیاد ‌و قاچاخ كردنی مادە سڕكەرەكان لەشاری وییەن پێتەختی ئوتریش لە ١٧ هەتا ٢٦ی ژوئەنی ١٩٨٧ی زایینی(٢٧جۆزەردان هەتا ٥ی پووشپەڕی ساڵی ١٣٦٦ی كۆچی). لەو كۆنفرانسەدا بەڵگەیەك پەسند كرا كە بە پێی ئەو بەڵگەیە رێكارێكی گشتگیر لە پێوەندی لەگەڵ كۆنتروڵ كردنی مادە سڕەكەرەكان لە لایەن وڵاتانی بەشدار لەكۆنفراسەكە دیاری كرا كە ئەوانی ئەركدار كرد لە ئیقدام گەلێكی جیددی نێونەتەوەیی لە پێوەندی لەگەڵ بەربەرەكانی لەگەڵ بە قاچاخ كردنی مادە سڕكەرەكان، ئەو سەنەدە لە رۆژی ٢٦ی ژوئن/ ٥ی پووشپەڕ ئیمزا كرا ‌و لەو كاتەوە ئەو رۆژە وەك رۆژی جیهانی بەربەرەكانی لەگەڵ مادە سڕكەرەكان دیاری كرا.

حكوومەتی ئێران سەرەڕای ئەوەی یارمەتییەكی دارایی بەرچاو لە رێكخراوی نەتەوەیەكگرتووەكان بە مەبەستی بەربەرەكانی لەگەڵ قاچاخ كردنی مادە سڕكەرەكان وەردەگرێ‌، بەڵام ئێستا بۆ خۆی بۆتە یەكێك لە تۆڕەكانی هەناردە كردنی ئەو موادە ‌و بڵاو كردنەوەی لە نێوخۆی ئێراندا بە مەبەستی بەرەوپێشبردنی بەرنامەیەكی سیاسی، بە شێوەیەك كە سپای پاسدارانی كۆماری ئیسلامی ئێران بۆ خۆی ئەو ئەركە جێبەجێ‌دەكا.

لەو پێوەندییەدا رۆژنامەی تایمز نووسیویەتی، قاچاخكردنی مادە سڕكەرەكان ساڵانە بە میلیاردان دولار داهاتی بۆ سپا هەیە و هەروەها یەكێك لەبەرپرسانی كۆماری ئیسلامیش بە رۆژنامەی تایمزیان گوتووە یەكێك لە هاندەرانی سپای پاسداران بۆ ئەو كارە زەربە وەشاندنە لە وڵاتانی رۆژئاوا.

لە نێوخۆی ئێران سپای پاسدارن مادە سڕكەرەكان بە مەبەستی تێكشكاندنی كەسێتی تاكەكان بەكار دێنێ‌، بەجۆرێك كە هەموو ئاگادارن لەزیندانەكانی رێژیم كە لەژێر چاوەدێری و لێپرسینەوەی توند ‌و تێژی ئیدارەی زیندانەكان دایە دەستاودەستكردن ‌و كەڵك وەرگرتن لەو مەوادە زۆر بە هاسانی جێبەجێ‌دەكرێ‌‌و كەم نین ژمارەی ئەو لاوە ئازادیخواز ‌و كەسایەتییە سیاسییانەی كە لەزینداندا موعتاد بوونە.

ئەو سیاسەتە دزێو‌و دژە مرۆڤایەتییە تەنانەت دەرحەق بەو نەتەوەكانیش رەچاو دەكرێ‌كە لاوەكانیان هەستی نەتەوایەتییان بەرزە ‌و بۆ داخوازە نەتەوەیییەكانیان خەبات دەكەن، یەك لەو نەتەوانە نەتەوەی كوردە كە چەند ساڵێكە كەوتۆتە بەر ئەو تاقیكاریە دژوار ‌و ماڵوێرانكەرە. لەپێناو ئەو سیاسەتەشدا كەش ‌و هەوایەكی وایان پێكهێناوە كە مادە سڕكەرەكان زۆر بە هاسانی لەهەموو شوێنێكی كوردستان دەست دەكەوێ‌، دەست ‌و پێوەندكانی رێژیم كە ئەو مەوادە بڵاو دەكەنەوە بۆ زۆربەی خەڵكی شارەكان ‌و بێ‌گومان بۆ كاربەدەستانی رێژیمیش ناسراون، دەكرێ‌بڵێین بە بێ‌ترس ‌و نیگەرانی ئەو كارە بێ‌شەرمانەیە درێژە دەدەن بە بێ‌ئەوەی نیگەرانیان لە دەست بەسەركردن ‌و سزادان هەبێ‌.

ئاكامی ئەو كارەی رێژیم بوەتە هۆی ئەوەی كە ژمارەی توشبووان بەو مەوادە بە تایبەت لە نێو لاواندا رۆژبەرۆژ بچێتە سەر، ئەوەش نیگەرانییەكی زۆری بۆ هەموو بنەماڵەكان پێكهێناوە.

سەرۆكی پولیسی بەناو بەربەرەكانی لەگەڵ مادەسڕكەرەكان لە پارێزگای كوردستان باس لە ٢١هەزار تووشبوو بەو مپوادە لەو پارێزگایە دەكا، بەو حاڵەش "سردار نورووزی" یەكێك لە بەرپرسانی ئەو بوارە دەڵێ‌: كوردستان پاش ئیلام پاكترین پارێزگا لەپێوەندی لەگەڵ بەكارهێنانی مادە سڕكەرەكاندایە. بە پێی وتەی ئەو بەرپرسانەی رێژیم ئەگەر بەو حاڵەوە پارێزگای كوردستان پاكترین بێ‌، دیارە وەزعی پارێزگاكانی دیكەی كوردستان دەبێ‌چۆن بێ‌؟

خەڵكی ئازادیخوازی كوردستان!

رۆژانە لەبەر چاومان، دراوسێ‌كەمان، هاوكلاسەكەمان، منداڵان ‌و خۆشەویستەكانمان بە هۆی خووگرتن بە مادەسڕكەرەكان مۆمی تەمەنیان دەتوێتەوە ‌و هەر كام لەوان لەگەڵ ئەو توانەوە، ژیانی بنەماڵەیەكیش لەگەڵ خۆیان دەتوێننەوە، ئەو بەڵایە وەك ئاورێك بەر بۆتە كۆمەڵگەكەمان ‌و خەریكە نەك هەر ئیستا بەڵكوو داهاتووی كۆمەڵگاكەشمان بە وێرانی ‌و رۆژە رەشی دەكێشێ. حكوومەتیش كە دەبێ پارێزگاری لەو سەرمایە گەورەیە بكا كە لاوەكانن، بە شێوەی سیستماتیك لەو دیاردەیە كەڵك وەردەگرێ بۆ لە ناوبردنی پۆتانسێەل ‌و توانایی خەباتی رزگاریخوازی كورد ‌و بەستینی ئەو خەباتە.
كەوابوو نابێ چاوەڕوان بین كە رێژیم رێگاچارە بۆ رزگاری نەتەوەكەمان لەو كێشە گەورەیە بدۆزێتەوە، بەڵكوو بۆ خۆمان دەست بە كار بین بۆ بەرگری كردن لە تووشبوونی لاوەكانمان بەو نەخۆشیە ‌و چارەسەر كردنی تووشبووان. هەموو تاكێكی كورد لەو بارەوە بەرپرسە ‌و ئەركی سەرشانێەتی كە بە گۆێرەی توانا بەشدار ‌و یارمەتیدەری بەرەوپێش بردنی ئەو پڕۆسەیە بی، دەنا منداڵەكانمان ‌و لاوەكانمان كە سەرمایەی ئەوڕۆ ‌و داهاتووی وڵاتەكەمانن نامانبەخشن. ئەگەر لەو كارەدا لە خۆبردوویی نیشان نەدەین داهاتوومان كۆمەڵگایەكی سڕ، نەخۆش ‌و مردوویە، بۆیە هەتا رۆژێك زووتر دەست بە كار بین گیانی چەند لاوێكمان رزگار كردوە ‌و بەردێكمان لەسەر بناغەی بینای كۆمەڵگایەكی زیندوو‌و بەختەوەری داهاتوو داناوە كە منداڵەكانی ئێمەن.

ئەو ئەركە پێرۆزە دووبەش لە خۆ دەگرێ كە پێویستە هەر دووك ئەرك شانبەشانی یەكتر بەڕێوە بچێ:

یەكەم بەش، بەشی پێشگیری ‌و وریا كردنەوەی ئەندامانی كۆمەڵگا بەتایبەت لاوەكان ‌و مێرمنداڵانە، لەو بەشەدا زۆرن هێزەكانی كۆمەڵگا كە دەتوانن یارمەتیدەربن:

مامۆستایانی قوتابخانە ‌و زانكۆكان كە توێژی وریا، زانا و بەرپرس لەكۆمەڵگای ئێمەدان، روونكردنەوە ‌و وریاكردنەوەی لاوان لەسەر كلاسی دەرس ‌و مۆحیتی كاریاندا وەك ئەركێك چاو لێبكەن ‌و لاوەكان لەمەترسی مادە مەرگهێنەرە كارەساتبارەكان ‌وشیار بكەنەوە، دایك و باوكەكان بەشێوەیەكی شیاو ئاگاداری هەڵس ‌وكەوتی منداڵەكانیان ‌و چۆنیەتی هاوڕێكانیان بن، بە تایبەت لەماوەی پشووی هاویندا كە قوتابخانەكان تەعتیلە ‌و زۆربەی قوتابی ‌و خۆیندكارەكان بێكارن ‌و ئێمكاناتی تەفریح ‌و رابواردنی سالمی رۆژانە لە شار ‌و شارۆچكەكاندا نیە یان زۆر كەمە. پێویستە دایك ‌و بابەكان تێبكۆشن كە لەو ماوەیەدا مندالِەكانیان بە كارێكی باش ‌و بەكەڵك بە گوێرەی ئێمكاناتی خۆیان خەریك بكەن.

مامۆستایانی ئایینی نیشتمانپەروەر لە مزگەوتەكان ‌و دانیشتنیان لەگەڵ خەڵك لە هەر شوینێك، مەترسییەكانی تووشبوون بە مادە سركەرەكان ‌و ئاسەواری ئەو كارە لە بارەی ئایینی ‌و كۆمەڵایەتییەوە باس بكەن ‌و لێی ماندوو نەبن.

بەڵام بەشی دووهەمی ئەو ئەركە پیرۆزە یارمەتیدان بۆ تەرك پێكردنی ئەو كەسانەیە كە دووچاری ئەو بەڵایە بوون، لەو پێوەندیەدا روو دەكەمە دەوڵەمەندە خێرخۆاز ‌و نیشتمانپەروەركانی وڵاتەكەم بۆ ئەوەی بە تەنیا، یان بە كۆمەڵ لەشارەكاندا هیندێك ناوەندی توانا بەخشی ‌و تەرككردنی ئیعتیاد پێكبێنن ‌و ئێمكاناتی دەرمانی ‌و رەوان دەرمانی لەو ناوەندانەدا بۆ تووشبووان فەراهەم بكەن، پزیشكانی ئەم بوارە ‌و زانایانی بواری كۆمەڵناسی پێویستە لەو ناوەندانەدا یارمەتی بكەن بۆ سەركەوتنی پڕۆسەكە. ئەو بەشداریكردنە لەباری ئەخلاقی، نەتەوەیی ‌و ئایینیەوە ئەركی سەرشانی هەموو لایەكە. ئەوەی ماوەتەوە ئیشارەی پێ بكەم ئەوەیە كە لەم بەشە ‌و لە عیلاجكردنی توشبوواندا پێویستە تاكی تووشبوو وەك نەخۆشێك چاو لێ بكرێ نەك وەك تاوانبارێك ‌و لە جیاتی ئەوەی پەراوێزیان بخەن ‌و لەو ژیانە كە لە راستیدا مەرگێكی لەسەر خۆ ‌و كارەساتبارە، بەتەنیا بە جێیان بێڵێن، لە باری رووحی ‌و دەروونییەوە یارمەتییان بكەین ‌و ورەیان پێ ببەخشین بۆ تەرك كردن ‌و دووركەوتنەوەیان لەو نەخۆشیەی كە تووشی بوون.

دلنیام ئەگەر هەركەس لەو پێوەندییەدا ئەركی خۆی بە باشی بەڕێوەبەرێ، زۆر لەو نەخۆشانەمان چارەسەر دەكرێن ‌و زۆر كەمتریش تووش دەبن ‌و لە ئاكامدا كۆمەڵگایەكی سالمتر، زیندووتر‌و بەختەوەرمان دەبێ، با هەموومان لە بنیاكردنی ئەو كۆمەڵگایەدا شانازی بەشدار بوونمان هەبێ.

سوپاستان دەكەم

مستەفا هیجری

سكرتێری گشتیی حیزبی دێمۆكراتی كوردستانی ئێران

٤‌ی پووشپەڕی ١٣٩٢ی هەتاوی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.